Туган Як

Чүпрәле районы

18+
Рус

Тат

Чув
2024 - год Семьи
Социаль темага

“Халыкчан социаль проектлар“ республика конкурсына Чүпрәле ике проект тәкъдим итә

Республикада муниципаль районнар һәм шәһәр округлары арасында "Халыкчан социаль проектлар" республика конкурсы старт алды.

Идея ничек туган?

Әлеге конкурсны уздыру карары республикада "Бердәм Россия" көннәрен үткәрү нәтиҗәләре буенча кабул ителгән. Ул вакытта татарстанлылар партия вәкилләренә төрле файдалы башлангычлар һәм кызыклы проектлар белән мөрәҗәгать итте. Нәтиҗәдә, Татарстан Министрлар Кабинетының мондый конкурс уздыру турында карары кабул ителде һәм Татарстан Икътисад министрлыгына тиешле йөкләмә бирелде.

Конкурс өч этапта уза

2014 елның 2 июленә кадәр конкурска һәр район һәм шәһәр округыннан икешәр социаль әһәмиятле проект тәкъдим ителде.

Конкурсның беренче этабы 7-10 июльдә үтә. Бу көннәрдә проектлар презентацияләнә. Финал этабы исә 15 июльгә билгеләнгән. Аның нәтиҗәсендә, 10 җиңүче проект һәм 43 лауреат билгеле булачак. Проектны тормышка ашырырга тотылачак чыгымнарның 40 проценты муниципаль районның үз бюджетыннан җәлеп ителә, ә 60 процентын грант буларак, республика бирә. Җиңүчеләр 1 млн. сумга кадәр грант, лауреатлар 580 мең сум алачак. Бүләк фондының гомуми күләме-35 млн.сум. Проектлар 1 октябрьгә кадәр тормышка ашырылачак.

Чүпрәле районы әлеге конкурска ике проект тәкъдим итә. Аның берсе-"Тату өйалды" ("Дружное подворье») мәдәни-проект, икенчесе-"Ачык һава астындагы хәрби һәм гражданлык техникасы музее" хәрби-патриотик проекты.

Реклама

"Тату өйалды" проекты

Чүпрәле җирлегендә татарлар һәм чувашларның дус яшәвен, аларның көнкүрешен, йолаларын, традицияләрен чагылдырачак. Район крайны өйрәнү музее артында урын алачак әлеге "Тату өйалды" проекты районга килгән кунакларны каршы алу, халык өчен ял итү урыны, мәдәни-массакүләм чаралар, иҗади шәхесләр белән очрашу урыны да булачак.

"Ачык һавадагы музей"

Чүпрәле җирлеге Советлар Союзы Геройлары, Дан Ордены кавалерлары кебек бөек шәхесләр үстергән төбәк. Бөек Ватан сугышында 14 меңнән артык якташыбыз якты тормыш өчен көрәшкән, шуның җиде меңнән артыгы гына кайта алган. Батырларыбызга булган хөрмәт, үсеп килүче яшь буында патриотик тәрбияне, туган җиргә, кешеләренә булган хөрмәтне үстерү икенче проектта максат итеп куела. Ул ике юнәлешне үз эченә ала: хәрби техника экспозициясе, ягъни биредә хәрби техника: самолетлар, танклар һ.б. урын алачак. Һәм икенче юнәлеш -"Хәрби дан" аллеясы, биредә каһарманнарыбызның исемнәре мәңгеләштереләчәк.

PS. Әлеге материал әзерләнгән көннәрдә ике проектта Татарстан Икътисад министрлыгында презентацияләнде. Әлеге хакта тулырак киләсе саннарда язарбыз.

Следите за самым важным и интересным в Telegram-каналеТатмедиа

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: “Халыкчан социаль проектлар“ республика конкурсы