Аллаһының рәхмәтен өстәп

автор, 11 сентябрь 2012 - 11:59

772

Иске Чүпрәле авылы мәчете имамы, хаҗи Әмир ага Аббазов, мәчет мәзине Рөстәм Рәкыйпов һәм хаҗи Хәмит Мөхәммәтшин Убидагы "Җылы йорт" социаль приюты балаларына күчтәнәчләр илттеләр.

24 балага исәпләгән пакетларга 6490 сум акча тотылган. Әле генә йокыдан торган сабыйларның пакетлардагы тәм-томны тиз-тиз актара башлауларын, йөзләрендәге елмаю, күзләрендәге шатлык очкыннарын күрү материаль байлык белән чагыштырырлыкмыни?!