Чүпрәленең тагын ике егете армиягә хезмәт итәргә китте

Бүген РФ Кораллы Көчләре сафына Чүпрәле районыннан Леонид Мосеев, ул кече Уби авылыннан һәм Адель Камалов, ул Иске Шәйморза авылыннан, хезмәт итәргә китте.

Чара гадәттәгечә Петр Дементьев исемендәге паркта узды. Булачак Ватанны саклаучыларны Чүпрәле районы Башкарма комитеты җитәкчесе Данис Сатдинов котлады.

- Безнең егетләр илнең барлык нокталарында  диярлек хезмәт итә. Командирлардан бары тик рәхмәт сүзләре яңгырый. Сез дә лаеклы хезмәт итәрсез дип ышанам, - дип билгеләп үтте Данис Сатдинов

Агымдагы елда язгы чакырылыш кысаларында Россия Федерациясе Кораллы Көчләре сафларына Чүпрәле районыннан 30дан артык егет  китәчәк.