18 март – Россия Президентын сайлаулар көне

2018 елның 18 мартында мөһим иҗтимагый-сәяси чара - Россия Федерациясе Президентын сайлаулар узачак. Президент сайлау - илнең сайлау хокукына ия булган һәр кешесе катнаша торган иң масштаблы вакыйгаларның берсе.

Искәртеп үтәбез: сайлаулар иртәнге 8.00 сәгатьтә башланып, 20.00 сәгатькә кадәр дәвам итә. Сайлау участокларына үзең белән шәхесне раслаучы документ- паспорт алып килергә кирәк.

Бу көнне үзешчәннәр концерт тәкъдим итәчәк. Район мәдәният йортында, 10.00 сәгатьтән башлап, кинозал эшлиячәк.

Сайлау участокларында, республика акциясе кысаларында, стендлар урнаштырыла. Алар янына басып теләге булган һәркем фотога төшә ала. Фотоны #Айданавыборы хештегы белән социаль челтәрләрдә урнаштыручылар призлар уйнатуда катнашу мөмкинлеге дә ала.

Сайлауга рәхим итегез, хөрмәтле райондашлар!