Яңа Чүпрәле авылы халкы игътибарына!

Адәм баласының соңгы йорты - зират. Аның яныннан узган һәр кеше бу дөньяның мәңге түгеллеген исенә төшерә һәм вафат булган әби-бабаларыбыз, туганнарыбыз рухына дога кыла, үзенең кылган гамәлләре турында уйлана. Бүген яшәгән йортыбыз ничек чиста булса, зиратларыбыз да җыештырылган, аның кабер рәшәткәләре буялган, чәчәкләр утыртылган булырга тиеш. Шуны истә тотып, Яңа Чүпрәле авылы ветераннар советы һәм авыл мәчете мәхәлләсе сезне 15 июль, якшәмбе көнне зиратны җыештыру, тәртипкә китерү буенча үткәрелә торган гомуми өмәгә чакыра. Өмәдә олылар да, кечеләр дә, шул исәптән хатын – кызлар да катнашырга мөмкин. Ул көнне чалгылар, пычкылар, сәнәкләр һәм башка эш кораллары алып килергә кирәк булачак. Бер көндә эшне башкарып бетерә алмасак та, зиратыбыз чистарып, киңәеп, яктырып калыр иде. Саваплы эштә актив булуыгызга ышанабыз. Өмә иртәнге сәгать 9 башлана.