Чүпрәледә штраф түләмәгән өчен 70 шофер җавапка тартылды

РФ КоАП 32.2 ст. 1 бүлекчәсе нигезендә административ штраф турында карар законлы көченә кергәннән соң, утыз көннән дә соңга калмыйча түләнергә тиеш. Законга буйсынмаган машина йөртүчеләргә штраф суммасының ике тапкыр күләмендә арттырып түләтү рәвешендә  санкцияләр кулланырга яисә унбиш тәүлеккә кадәр рәшәткә артына утырту җәзасы кулланырга мөмкин. Агымдагы елның узган чорында Чүпрәле муниципаль районы буенча юл хәрәкәте иминлеге дәүләт инспекциясе хезмәткәрләре юлда йөрү кагыйдәләрен бозган өчен штрафларын үзвакытында түләмәгән 70 машина йөртүчегә материал төзеде, аларның 8 -е мәҗбүри эшкә җәлеп ителде, калганнары икеләтә күләмдә штраф түләде.

Анатолий Михайлов, ЮХИДИ бүлеге начальнигы, полиция майоры