Исерек шоферларны утырта башладылар

Юллардагы мондый фаҗигаләрне булдырмау һәм кисәтү максатыннан, быелның 1 июленнән яңа Указ гамәлгә керде. Хәзер шушы документ нигезендә руль артына исерек килеш утыручылар җинаять җаваплылыгына тартыла башлады.

*Җинаятьләр кодексының 264 нче маддәсендәге икенче һәм дүртенче бүлекчәләре буенча, андыйларны кимендә ике елга кадәр иректән мәхрүм итү каралды. Икенче кабат исерек килеш тотылучыга 200- 300 мең сум штраф салыначак, яисә ике елга төрмәгә утыртачаклар. Моннан тыш, мәҗбүри хезмәт, аерым вазифаларны башкару хокукын чикләү кебек җәзалар да кулланылырга мөмкин. Шуңа да карамастан, июль аенда ике машина йөртүче һәм бер мотоциклчы исерек килеш тоткарланды. Соңгысы суд карары буенча төрмәгә дә утырды, ә ике шофер шушы көннәрдә суд алдында җавап тотачак,-ди ЮХИДИ бүлекчәсе начальнигы, полиция капитаны Анатолий Михайлов.