Җәяүлегә тиешле урында юл бирмәгән транспорт хуҗалары штрафка тартыла

Административ хокук бозулар турындагы кодексның 12.18 нче маддәсендә бәян ителгәнчә, җәяүлегә тиешле урында өстенлек бирмәгән транспорт хуҗаларына 1500 сум күләмендә штраф карала.Шул ук кодексның 12.29 нчы маддәсендәге 1 нче өлештә юл да йөрү кагыйдәсен бозган җәяүле дә җавапка тартыла, яисә 500 сум күләмендә штраф салынуы турында әйтелә. Район территориясендә үткән ел 116 җәяүле административ җаваплылыкка тартылды. Әле яңа ел башланырга да өлгермәде, саксызлык аркасында гөрләтеп яшәргә тиешле берүнең гомере өзелде һәм икенче берәү тән җәрәхәте алды. Исегездә тотыгыз! Юл йөрү кагыйдәләре нигезендә җәяүлеләр автотранспорт юлларын бары тик махсус билгеләнгән урыннарда гына (зебра) чыгарга тиеш. Тәүлекнең караңгы вакытында җәяүлеләрнең киемендә яктылыкны кире кайтаручы элемент (мәсәлән, браслет) булырга тиеш. Машина йөртүчеләрнең дә җәяүлеләргә карата игътибарлырак булулары сорала. Балалар белән урамда йөргәндә дә аларга үрнәк булыгыз, кагыйдәләрне бозмагыз!