Наградӑсем

Тутарстанӑн Шалти ӗҫсен министерствинче «Закон территорийӗ» республика конкурсӗн ҫӗнтерӳҫисемпе лауреачӗсене чысларӗҫ.

Унта Раҫҫей Шалти ӗçсен министерствин Çӗпрел районӗнчи ҫул ҫитменнисен ӗҫӗсен  енӗпе аслӑ инспекторӗ Любовь Владимировна Катина хутшӑнчӗ.  Любовь  Владимировна Катина «Çул ҫитменнисене обществӑлла воспитани парас ӗҫе хăйӗнчен пай кӗртнӗшӗн» номинацире пӗрремӗш вырӑн йышӑнчӗ, Диплома тата парнесене тивӗçлӗ пулчӗ.

*    *    *
Ҫӗпрел Ҫыннисем РФ Патшалӑх Думинче ҫемьепе амӑшлӑх ыйтӑвӗсене сӳтсе явма хутшӑнчӗç.

Муниципалитет чысне Алешкин-Саплăк ялӗн Культура çурчӗн заведующийӗ Наталия Николаевна Клементьева тата Хулаçырми вӑтам шкулӗн директорӗ Надежда Федоровна Мокшина хӳтӗлерӗç.

Ҫемье хаклӑхӗсене, йӑла-йӗркене упраса хӑварассине хăйӗнчен пай кӗртнӗшӗн тата тӗслӗхлӗ анне пулнăшăн Наталия Клементьева Тав ҫырӑвне тивӗҫрӗ. Наградӑна РФ Патшалӑх Думин депутачӗ Татьяна Ларионова пачӗ.