Юрласа пурăнаççӗ

Инженерсенчен пуçласа педагогсем, врачсем, слесарьсем, полици ӗçченӗсем, электриксем тата ытти профессисен представителӗсем хӑйсене сцена артисчӗсен ролӗнче сӑнаса пăхрӗç. 
Фестивалӗн юлашки зонăри турӗсенче кӑҫал 150 творчество номерне сӗннӗ, вӗсенчен 70 яхӑнăшӗ финала иртнӗ. Зонӑри турсен лауреачӗсемпе ҫӗнтерӳҫисем фестивалӗн суперфиналӗнче хутшӑнӗҫ. Вӑл ноябрӗн 7-8-мӗшӗнче Хусанта иртет. Гала-концерт ноябрӗн 10-мӗшӗнче Хусанти «Пирамида» культурăпа кану комплексӗн сцени çинче пулӗ.

Зонăри пӗтӗмлетӳ турӗнче Çӗпрелӗн ҫыннисем тулли программӑпа сцена çине тухса, хăйсен юрри-ташшисемпе паллаштарчӗç. Икӗ кун пӗтӗмлетӗвӗсем тӑрӑх, вырӑс халӑх юррипе, вокал ансамблӗ — 2 вырӑна йышӑнчӗ, уйрăм юрăпа Салават Юсупов — 3 вырӑна, «Мухтав минучӗ» номинацире Виктория Волкова — 2 вырӑна, ташӑпа — 2 вырӑна çӗнсе илчӗç.

Айгуль Каюмова, ытти уйрӑм юрлакансем, фестивале хутшӑнаканăн Дипломне тивӗҫрӗҫ.

Пӗтӗм команда зачечӗн пӗтӗмлетӗвӗсемпе Çӗпрелӗн çамрăкӗсем, пысӑк предприятисенче ӗҫлекен ҫамрӑксен командисенчен кӑштах кăна юлса, 2-мӗш вырӑна йышӑнчӗç, суперфинала иртрӗç.

— Эпӗ ҫак фестивале темиҫе ҫул умлӑ-хыҫлӑ хутшӑнатӑп. Кăçал та хам çырнă, кӗвӗленӗ юрӑпа тухрăм сцена çине. Республикӑра ҫамрӑксемшӗн пур майсем те пур: творчествăра хутшăн, ӗҫле, ҫӗршыва усӑ кӳр! Усӑ курма ҫеҫ пӗлмелле, — тет Салават Юсупов.

Справка

«Безнен заман — Наше время» фестиваль 2013 ҫултанпа иртет. Фестиваль ҫӗнӗ ӑру кадрӗсене йӗркелес тата ӗҫ профессийӗсене ҫӗнетес, республикӑри предприятисемпе организацисенче ӗҫлекен ҫамрӑксен пултарулӑх потенциалне уҫас енӗпе пысӑк ӗҫ туса ирттерет. Хутшӑнакансем: — 18 ҫултан пуҫласа 35 ҫула ҫитичченхи ҫамрӑксем.