Ӗç рапорчӗ

Республика, район йӗркеленнӗ кун тӗлне парне пулнă май, «Цильна» обществӑн çӗр ӗçченӗсем тыр çи ӗҫӗсене ӑнӑҫлӑ вӗҫлени ҫинчен пӗлтеретӗп.

Ҫак тыр çи ӗçӗсен сезонӗнче те, тырпул ӳстерекенсем тӑрӑшнипе, гектартан вӑтамран 61,1центнер шайӗнче тырӑ пухса кӗртрӗмӗр.

Тырпула вырса ҫапнă ҫӗрте Ильгиз Миначевăн, Фанис Валеевăн, Рафик Шайдулловăн, Камиль Камаловăн, Фанис Хайруллинăн ӗҫ кӑтартӑвӗсем мухтава тивӗҫлӗ.

Шоферсем: Асхать Замалетдинов, Ильнур Алимов, Марат Садеев, Фанис Хакимов, Алексей Марков, Владимир Макаров тата Вячеслав Ижегеров тырӑ турттарнӑ ҫӗрте чăрмавсем кăларса тăратмарӗç.

Паянхи кун тырпула тирпейлес, сутас тата упрама хурас ӗҫсем малалла пыраҫҫӗ. Ҫитес ҫул та лайӑх тухӑҫ илме тивӗçлӗ мерӑсем йышӑнатпăр.

Барис Гафуров, «Цильна» обществăн директорӗ.