Иске Чүпрәле авылында яшәүче Хәбирә Шаһиәхмәт кызы Закировага 95 яшь тулды

Хөрмәтле ветеранны олы юбилее белән тәбрик итәргә район Башкарма комитеты җитәкчесе урынбасары Радик Баһаутдинов, Иске Чүпрәле авыл җирлеге башлыгы Рамил Низамов килде, туганнары җыелды. Кунаклар юбилярга исәнлек-саулык теләп, РФ Президенты В.В.Путинның котлавын һәм район башлыгы исеменнән бүләк тапшырдылар.

Хәбирә әби Иске Чүпрәле авылында туган. Сугыш башлангач окоп та казыган, урман да кискән. Казан шәһәрендә  йөк төяүче, бушатучы булып та, Серго исемендәге заводта да эшләргә туры килгән. Сугыштан соңгы елларда район кулланучылар җәмгыятендә ашханәдә хезмәт куйган.