Чүпрәледән Максим Ахмуков — «ГТО белән 1нче сыйныфка» республика онлайн акциясе җиңүчесе

Исегезгә төшерәбез, «ГТО белән 1 сыйныфка» онлайн акциясе видеороликлар конкурсы булып тора һәм ВКонтакте социаль челтәрендә онлайн форматта уздырылды.

Җиңүчеләр арасында безнең районнан 1 санлы Иске Чүпрәле урта гомуми белем бирү мәктәбенең 1нче сыйныф укучысы Максим Ахмуковның видеоролигы да бар иде.

11 сыйныф укучылары арасында «Хезмәткә һәм оборонага әзер» кышкы фестивален ачу тантанасында район Башкарма комитеты җитәкчесе урынбасары Айрат Җәлалов Максим Ахмуковны бүләкләде.

Максимны котлыйбыз һәм аңа киләчәктә дә уңышлар телибез!