Ветерансен «Балкыш» зонӑри фестивалӗ

Мартăн 26-мӗшӗнче Пӑва хулинче ветерансен хушшинче «Балкыш» республика фестивалӗн зонӑри тапхӑрӗ иртрӗ. 

Тутарстан Республикин ветеранӗсем хушшинче республикӑри 1-мӗш хӑйпултарулӑх юрӑҫисен фестивальне Раҫҫей Халӑхӗсен пӗрлӗхӗн çулталӑкне, Тутарстан Республикинчи Çар тата ӗҫ паттӑрлӑхӗн çулталӑкне, Тутарстан Республикин ветеранӗсен республикӑри обществăлла организацийӗ 40 ҫул тултарнине халалланӑччӗ. Уяв кунӗсенче кунта культура ӗҫченӗсем тата сцена искусствине юратакансем сакӑр районтан – Теччӗ, Зеленодольск, Апастово, Камско-Устье, Кайпăç, Тури Услон, Çӗпрел районӗсенчен килнӗччӗ, площадка хуҫисем, фестивале йӗркелекенсем – Пăва район артисчӗсем пулчӗç.

Пирӗн район чысне çак фестивальте Тутарстан Республикин тава тивӗҫлӗ культура ӗҫченӗсем, «Балкыш» фестивалӗн темиҫе хут лауреачӗсем, республика, район фестивалӗсемпе пултарулӑх отчечӗсен лауреачӗсем Людмила Сердцевапа Талгат Зяббаров тивӗҫлипе паллаштарчӗҫ. Опытлӑ баянистсем Талгат Зяббаров, Рамиль Абдракипов, Ильгиз Насыбуллин тата Наиль Арсланов составӗнче музыкантсен квартечӗ сцена ҫинче тутар, чӑваш тата вырӑс музыкин папурисемпе пысӑк хавхаланупа паллаштарчӗç. Фестивальсен дипломанчӗ, районти Пенсионерсен союзӗн ертӳçи Дилюза Азизова пушкӑрт ташшине питӗ ăста ташласа пачӗ.

Габдулла Рахимкулов ячӗллӗ фестивалӗн лауреачӗ Альфия Яхиева «Кошларым» ятлă юрă юрласа, жюрипе куракансене савăнтарчӗ. Кивӗ Шемӗршел ялӗнчи культура ветеранӗ Фарида Заббарова ентешӗ Габдулла Рахимкулов ҫуралнӑранпа 100 ҫул ҫитнине халалланӑ сӑвӑсене хавхаланса вуларӗ. «Хӗлхем» халӑх, чӑваш, фольклор ансамблӗ те тата, çаплах,  чӑваш халӑх юррисемпе Владимир Такмаковпа Николай Наумов купӑсҫӑсем  те сцена çине тухса куракансене хавхалантарчӗç.

Фестивалӗн республикӑри зона турне хастар хутшӑннӑшӑн культура мероприятине хутшӑнакансене пурне те йӗркелӳ комитечӗн Дипломӗсене пачӗç.