«Ҫулталӑк волонтерӗ» ята тивӗҫлӗ пулчӗ

Районти Альфия Айнуллова ертсе пыракан «Ырăлӑх вучӗ» пӗрлешӳ ятарлӑ ҫар операцийӗн зонинче хутшӑнакан ҫар служащийӗсем валли окоп çуртисем туса хатӗрлет, гуманитари пулӑшӑвне пухма пулӑшать.

Ҫак кунсенче Хусанта #МЫВМЕСТЕ-2024 Халăхсен хушшинчи Премийӗн регионти тапхӑрӗн ҫӗнтерӳҫисене наградӑларӗç. 

Премийӗн тӗп тӗллевӗ — Раҫҫейре тата унӑн тулашӗнче пурӑнакан ҫынсене пулăшасси тата пурнӑҫ пахалӑхне лайӑхлатас тӗлӗшлӗ обществӑлла пӗлтерӗшлӗ пуҫарусен лидерӗсене палăртасси тата пулӑшасси.

Премийӗн пӗтӗмлетӗвӗсем тăрăх Альфия Айнуллова «Çулталӑк волонтерӗ» номинацире ҫӗнтерӳҫӗ пулса тӑчӗ. 

Тутарстанра волонтер ӗҫӗ-хӗлӗ «Вӗрентӳ» наци проекчӗн шайӗнче пурнӑҫланать.