Сухан тӑварлӑ шыва юратать

Тӑварлӑ шыв сухана сӑтӑрҫӑсенчен сыхланине нумайӑшӗ пӗлмест. Опытлӑ пахчаҫӑсем сухан тухӑҫӗ тулӑх пултӑр тесе шӑпах тӑварлӑ шывпа сапаҫҫӗ.

Ҫумӑр ҫумасан сухан тымарӗсене сӑтӑрҫӑсем, вӗтӗ хурт-кӑпшанкӑсем кӑшлама тытӑнӗҫ. Апла пулсан витрене пӗр стакан тӑвар ярса ирӗлтермелле те йӑрансене сапмалла, теҫҫӗ пахчаҫӑсем.

Хӗрлӗ чӗкӗнтӗртен тулӑх тухӑҫне илес тетӗр пулсан, ӑна вӑхӑтра сайралатни питӗ пӗлтерӗшлӗ. Чӗкӗнтӗр шыва юратмасть, ӑна пачах шӑвармасан та юрать. Çак пахчаҫимӗҫе ҫумӑр шывӗ те ҫителӗклӗ. Пахчаҫӑсен ҫак тымарҫимӗҫе мӗнле упраса хӑварасси пирки пӑшӑрханма кирлӗ мар, сӑтӑрҫӑсем ӑна юратмаҫҫӗ.  

Тутлă чӗкӗнтӗр ӳстерес тесен ӑна виҫӗ хутчен апатлантармалла. Кун валли 10 литр шыва 1 апат кашӑкӗ тӑвар ямалла, лайӑх пӑтратмалла, пахчаҫимӗҫсене сапмалла.  1 тӑваткал метра 5 литр хутӑш сапма пулать.