Помидорăн тухӑҫне мӗнле сыхласа хăвармалла?

– Август – хӑвӑн ӗҫӳн ҫимӗҫне пухса илмелли вӑхӑт, анчах шӑпах халӗ тухӑҫ чи пысӑк хӑрушлӑхра, – тет ТР «Россельхозцентр» учрежденийӗн филиалӗн ертсе пыракан специалисчӗ Салават Галимзянов. 

– Ҫу вӗҫӗнче кӑнтӑрлахи тата ҫӗрлехи температура тӑрук улшӑннине пула ирхине тӑм ӳкет. Ҫулҫӑсем ҫинчи сивӗ нӳрӗк – фитофтороз, помидора темиҫе кун хушшинче пӗтерме пултаракан хӑрушӑ кӑмпа чирӗ аталанма питӗ лайӑх хутлӑх.

Тухăçсăр юлас мар тесен, ҫийӗнчех ӗҫлемелле. Опытлӑ агрономсем икӗ тӗп тӗллев ҫине тимлӗх уйӑрма сӗнеҫҫӗ: ӳсентӑрана вентиляцилессине лайӑхлатма тата унӑн вӑйне тӗвӗленнӗ ҫимӗҫсем ӗлкӗресси çине яма сӗнеҫҫӗ.

Помидора   ҫӑлас тӗлӗшпе тӑватӑ ятарлă утӑм

 Ытлашши туратсене илсе пӑрахни. Август уйӑхӗнче вӗсем туллин ҫимӗҫсем йӗркелесе аталантарма вӑй-хал енчен ӗлкӗреймеҫҫӗ ӗнтӗ. Ҫӗнӗ туратсем вара, ӳсентӑранран халӗ ӗлкӗрсе пыракан томатсене кирлӗ паха тутлӑхлӑ япаласене тата тепӗр хут туртса илеççӗ.

 Вӗҫӗсене чӗпӗтни. Ӳсентӑрана ҫӳлелле ӳсме чарӑр. Ҫакӑ вегетативлӑ ӳсӗме чарать, ӳсентӑрана хӑйӗн мӗнпур сӗткенне пур помидора пама май парать.
 

Ҫулҫӑсене сайралатни. Ӳссе, ҫӗре перӗнекен ҫулҫӑсене пурне те илсе. Ҫак мера йӑрансен вентиляцине тӗпрен лайӑхлатать, ӳсентӑран ӑшӗнчи нӳрӗке чакарать, фитофторăна ӗрчеме лайӑх условисенчен хӑтарать.

 Чир-чӗртен сыхланасси. Сивӗтни тата нӳрӗкӗн пӗрремӗш паллисем пулсан хӑрушсӑрлӑх тӗллевӗпе агрессивлӑ химикатсенчен пӑрӑнӑр. Ӳсентӑрана триходермăпа никӗсленсе хальхи биопрепаратсемпе ӗçе кӗртӗр. Ҫак усӑллӑ микроорганизмсем фитофторăн ӳсӗмне кăтартуллӑ пусараҫҫӗ, ҫимӗҫре пухӑнмаҫҫӗ, тухăçа ӗçе кӗртнӗ хыҫҫӑн темиҫе кунран ҫеҫ ҫиме юрать.