Медицина ӗҫченӗсен Спартакиадинче

Ҫӗпрелӗнчи тӗп больница Тутарстанри медицина ӗҫченӗсен Спартакиадинче ăнăçу турӗ.

Хусанӑн Тӗп стадионӗнче Тутарстан Республикин медицина ӗҫченӗсен «Олимп Здоровья – 2026» спартакиадин финал вӑййисем вӗҫленчӗҫ. Анлӑ спорт мероприятийӗ апрелӗн 1-мӗшӗнче пуҫланнӑччӗ, районти, республикӑри тата хулари мӗнпур медицина учрежденине пӗрлештерчӗ.

Сывлӑх сыхлав тытӑмӗнче ӗҫлекенсем сӗтел ҫи теннисӗ, шывра ишес, шахмат, бадминтон, мини-футбол, волейбол, киберспорт, ҫӑмӑл атлетика тата канат туртас енӗпе ăмăртрӗç. Турнир шайӗнче, ҫавӑн пекех, ТР Сывлӑх сыхлав министрӗн Кубокӗшӗн домино енӗпе чемпионат та иртрӗ.

Финал ӑмӑртӑвне Хусанти медицина пӗрлешӗвӗсенчен, республикӑри клиникӑсемпе медицина учрежденийӗсенчен 8 команда – 500 яхӑн ҫын хутшӑнчӗ. Юхӑма республикӑри медицина пӗрлӗхӗн пин ытла представительне явăçтарнăччӗ.

Ҫӗпрелӗнчи тӗп больница ӗҫченӗсем 7-мӗш хула клиника больницин командин йышӗнче тухса, ӑмӑрту пӗтӗмлетӗвӗсем тӑрӑх пӗтӗмӗшле команда зачетӗнче 4-мӗш хисеплӗ вырӑна йышӑнчӗç.