Чӗкӗнтӗре пӗлсе ҫийӗр

Чӗкӗнтӗр пуриншӗн те усӑллӑ мар, тесе ҫирӗплетеҫҫӗ диетологсем. 

Çак пахчаҫимӗҫе питӗ асӑрханса ҫимелле, мӗншӗн тесен ҫыннӑн уйрӑм аллерги реакцийӗсем сиксе тухма пултараҫҫӗ. 
Кун пекки питӗ сайра пулать пулин те, ку факторсене ниепле те хирӗҫлеме ҫук. Унсӑр пуҫне чӗкӗнтӗр ҫисен пыршӑлӑхра чӑрмавсем пулма пултараççӗ.

Нумай ҫын чӗкӗнтӗр ҫинӗ хыҫҫӑн хырӑмӗ тулса кайнине туять, мӗншӗн тесен çак пахчаçимӗç вӑл апат сӳсӗпе пуян. Хӑш-пӗр ҫыннӑн микрофлорине тӑрук витӗм кӳрет, йӳҫӗк процесӗ пуҫланать. 

Сахӑр диабечӗпе аптӑракансен чӗкӗнтӗр çиессине чакармалла е ӑна пачах ҫимелле мар, мӗншӗн тесен пылак тымарта гликемика индексӗ пысӑк.