«Ҫамрӑк журналистсем» малти вырӑнсене йышӑнчӗç

Кӑҫал конкурса 356 заявка панӑ, вӗсенчен 67-шӗ финала иртнӗ. Унччен онлайн-занятисем ирттернӗ, килти заданисем те панӑ. Июнӗн 14-мӗшӗнчен пуҫласа 17-мӗшӗччен ҫамрӑк журналистсем «Волга» çамрăксен центрӗнче хăйсене сăнаса пăхрӗç. 

Направленисен шутне илес пулсан, вӗсем — 8: вырӑсла пичетленекен журналистика, тутарла пичетленекен журналистика, подкассемпе радио, фотожурналистика, телевидени тата видеоблогинг, дизайн тата верстка, SMM, реклама тата общественноçпа ҫыхӑну. Кашни направленийӗн хӑйӗн наставникӗ пурччӗ.

Финала иртнӗ 67 ача 21 муниципаллă районтан пулнă. Чи нумай хутшӑнакансен хушшинче — Çӗпрел ҫыннисем — 7! Унсӑр пуҫне Ҫӗпрел районӗнчи ҫамрӑк журналистсем «Ылтӑн перо» SMM-направлени енӗпе мӗнпур малти вырӑнсене те ҫӗнсе илнӗ.

1 вырӑна Дилия Фаизова, 2 вырӑна Диляра Шарапова, 3 вырӑна Инзиля Садеева тивӗçлӗ пулчӗç.

«Ку ахаль ҫӗнтерӳ кăна мар, ку пирӗн командӑн системӑллӑ ӗҫӗн кăтартăвӗ, — тесе хăйӗн шухăш-кăмăлӗсене пӗлтерчӗ ачасен искусство çурчӗн „Ҫамрӑк журналистсем“ кружокăн ертӳҫи Энже Залялова. — Эпир кашни кунах мӗн те пулин ҫӗннине вӗренетпӗр, ку чухнехи пулнă майсене алла илетпӗр. Паянхи наградӑсем те — эпир тӗрӗс ҫул ҫинче пулнине кӑтартаҫҫӗ».

Фестиваль йӑлана кӗнӗ конкурсăн площадки кӑна мар, вӗренӳ центрӗ те пулса тӑчӗ.