Көн вакыйгасы
Татарстанда «Иң яхшы комбайнчы-2022” республика бәйгесе игълан ителде
Быел министрлыкның бәйге комиссиясе 490 җиңүчене билгеләячәк һәм әлеге максатларга 20 млн. сум күләмендә акча бүлеп биреләчәк.
Бәйге комбайнчы һөнәренең абруен күтәрү һәм популярлаштыру, Татарстан Республикасы агросәнәгать комплексында урып-җыю техникасыннан нәтиҗәле файдалану, 2022 ел урып-җыю кампаниясендә югары күрсәткечләргә ирешкән комбайнчыларны бүләкләү максатларында үткәрелә.
Быел 490 җиңүчене билгеләячәк һәм җиңүчеләргә премияләр түбәндәгечә билгеләнәчәк:
- комбайнчылар арасында 50 мең сум күләмендә (НДФЛ тотып) 240 премия;
- үзйөрешле чапкыч һәм валкалы ургычта эшләүчеләргә 40 мең сум күләмендә 50 премия (НДФЛ тотып) ;
- 30 мең сум күләмендә (НДФЛны тотып) 200 премия каралган.
Бәйге нәтиҗәләре министрлыкның рәсми сайтында комиссия утырышы беркетмәсенә кул куелганнан соң өч эш көне дәвамында урнаштырыла.
Следите за самым важным и интересным в Telegram-каналеТатмедиа
Нет комментариев