Эчеп, руль артына утырган чүпрәлелене штрафка тарттылар

Чүпрәле муниципаль районының 1 нче номерлы җәмәгать суды участогында 2024 елның апрель аенда исерек килеш руль артына утырган Моисеевның эше каралган һәм аңа карата җәза билгеләнгән.

Суд барышында аның гаебе тулысынча расланган. Чүпрәле район суды аңа карата хөкем карары чыгарган.
Исегезгә төшерәбез, соңгы елларда юл хәрәкәте кагыйдәләрен бозучылар өчен штрафлар күләме шактый арткан иде. Иң каты җәза исерек килеш руль артына утыручыларга туры килә. Аларны, элеккечә, 15 тәүлеккә рәшәткә артына утыртмыйлар, ә 30 мең сум штраф түләттерәләр.

Моңа өстәп, суд карары нигезендә 1,5- 2 елга машина йөртү таныклыгыннан да колак кагасың. Ә инде алкогольле эчемлек кулланган килеш руль артына кабат утырган очракта җәза тагын да катгыйрак булачак.