Чүпрәле укучылары биш көнлек җыеннарда катнаштылар

“Патриот” яшьләр спорт-патриотик һәм хәрби әзерлекнең республика үзәге базасында 2022 елның 3-7 октябрендә “Тормыш куркынычсызлыгы нигезләре” укыту предметы кысаларында хәрби хезмәт нигезләре буенча биш көнлек җыеннар узды. Анда безнең район укучылары да катнашкан. Бу хакта район мәгариф бүлеге методисты Илнур Мавзютов белдерде.  Алар биш көн дәвамында хәрби әзерлек, саклану буенча төрле күнекмәләргә практикада өйрәнгәнннәр. Соңыннан иң яхшылар да ачыкланган. Бүләкләү тантанасы вакытында җыенда катнашучыларның барысына да сертификатлар һәм дипломнар тапшырылган.