Чүпрәле борчагын һәм арпасын – Кытайга!

Үткән атнада район авыл хуҗалыгы һәм азык-төлек идарәсенең актлар залында ашлыкны сату буенча хезмәттәшлекне оештыру һәм урып-җыю эшләре чорында иминлекне тәэмин итү мәсьәләләре буенча киңәшмә узды.

Киңәшмәдә “Терра” (Самара шәһәре) җәмгыятенең сатып алулар буенча белгече Роман Писарев, “ТД Август Агро” җәмгыяте (Казан шәһәре) трейдеры Станислав Артемьев, “ПродЭкспо” җәмгыяте трейдеры Андрей Иванов, “Альтернатива+" җәмгыятенең сатып алулар төркеме җитәкчесе Антон Лобанов чыгыш ясадылар.

Чарада катнашучылар ашлык базарындагы агымдагы вәзгыятьне анализладылар һәм сату, шул исәптән экспортка да, перспективалары турында фикер алыштылар. Аерым алганда, фермерларның игътибарын Кытайга арпа һәм борчак экспортына җибәрү мөмкинлеген юнәлттеләр. 

Киңәшмә барышында һәр юнәлеш буенча конкрет тәкъдимнәр һәм бердәм алымнар эшләнде, документлар әйләнешен цифрлаштыру буенча эшне көчәйтергә килешенде.