Амăш юратăвӗ

Урамра ҫил-тӑман алхасать,
Пӳрт умне юр купи тӳпелет.
Пӗр анне ывӑлне тунсӑхлать,
Кантӑкран пӗрмаях тинкерет.
 
Ав ҫулпа пӗр мӗлке ҫывхарать,
– Тен, ку ҫын кил умне чарӑнать?
Ман ача вӑрҫӑран таврӑнать?
Ах, чӗреҫӗм лӑштах ман пулать?
 
Йӗр туса иртсе кайрӗ мӗлке,
Сукмакне час хупларӗ ак юр.
Ҫил ачи ҫеҫ ҫӳрет емпӗлкке,
Ашкӑнмалӑх ҫав вӑйӗ ун пур.
 
Салтак амӑш ларать кӗлтуса,
Хуйхине пусарать Турӑпа.
Ывӑнмасть ывӑлне вӑл кӗтсе,
Чӗри тулнӑ ун ҫут пехилпе.

Наталия Клементьева.