Якташыбыз Җәмилә Зәйдулла кызы Мифтаховага мактаулы исем бирелде

Татарстан Республикасы Президенты  Р.Н.Миңнеханов Указы нигезендә мәдәниятне үстерүгә зур кертүе һәм күпьеллык намуслы хезмәте өчен “Үзәкләштерелгән клуб системасы” муниципаль бюджет мәдәният учреждениесенең “Киндяковка” мәдәният йорты каршындагы “Нур” татар халык театры коллективы җитәкчесе, “Ульяновск өлкәсе татар милли-мәдәни мохтарияте” иҗтимагый оешмасы президиумы әгъзасы, якташыбыз, Чүпрәле районы Түбән Каракитә авылында туып-үскән Җәмилә Зәйдулла кызы Мифтаховага “Татарстан Республикасының атказанган мәдәният хезмәткәре” дигән мактаулы исем бирелде. Котлыйбыз!