Чүпрәле районы паркларында Яңа ел тамашалары уза

Чүпрәле районы паркларында Яңа ел бәйрәм көннәрендә бик күңелле. Биредә һәр көнне мәдәният, шулай ук мәгариф учреждениеләре, балалар иҗат йорты хезмәткәрләре, «Яшь журналистлар» түгәрәге әгъзалары көче белән төрле чаралар үткәрелә.

Чаралар кысаларында җитезлек һәм осталык  буенча төрле ярышлар, кызыклы һәм күңел ачу номерлары, җырлар һәм биюләр үткәрелә.

Урам чаралары тамашаларына барлык теләүчеләр һәм кунаклар килә ала. Гомумән алганда, паркларда һәм скверларда программа бик бай, рәхим итегез!

Бүген, 5 гыйнварда «Дуслык» паркында балалар өчен күңел ачу программасы 14.00 сәгатьтә көтелә.

6 гыйнварда балалар паркында (амфитеатр янында) балалар өчен күңел ачу программасы 14.00 сәгатьтә башлана.

6 гыйнвар көнне 18:00 сәгатьтә "Чүпрәле" паркында "Раштуа ярминкәсе" күңел ачу-яңа ел чарасы узачак.