Бердәмлек яшәсен!

Халыклар бердәмлеге һәм Татарстан Республикасы Конституциясе көненә багышланган бәйрәм концерты барышында Чүпрәле районы башлыгы Марат Гафаров чүпрәлеләрне, кайткан кунакларны бәйрәм белән котлады

- Халыклар бердәмлеге көне бәйрәм көне генә түгел - ул бөек илебезнең барлык халыкларын берләштерүче символ. Бүгенге көндә бергә булу, бер-береңә ышану, ярдәмләшү бик мөһим, -диде ул һәм һәркемгә - бәхет, иминлек, оптимизм, илгә тынычлык теләде. Район башлыгы шушы көннәрдә генә республика күләмендә өченче урын алган Чүпрәле районы мәдәният бүлеге хезмәткәрләренә бүләкләр дә тапшырылды.

Бик күп җырлар яңгырады сәхнәдә, күңелле биюләр куелды. Тамашачылар артистларны көчле алкышларга күмделәр. Ә сәхнә артында һәм залда бердәмлек, дуслык хөкем сөрде.