Ирина Михайловна Антипова 55 çул тултарать

Çӗнӗ Упи ялӗнче пурăнакан хаклă та юратнă мăшăрăм, аннемӗр, ырă кăмăллă асанне – Ирина Михайловна Антипова июнӗн 15-мӗшӗнче 55 çул тултарать.

Юратнă çыннăмăра юбилей ячӗпе чун-чӗререн саламлатпăр! Пурнăç çулӗпе тата нумай-нумай çул утма çирӗп сывлăх, иксӗлми вăй-хал, тулли телей, тӗнчери мӗнпур ыррине сунатпăр. Утас çулу яланах такăр пултăр, пурнăçри кашни самант савăнăçлă пултăр, сӗтелӳ çăкăр-тăвартан, кӗрекӳ çывăх çыннусенчен ан татăлтăр. Яланах хаваслă та çамрăк пул, чир-чӗр мӗнне пӗлмесӗр тăван кил ăшшине упраса нумай-нумай çул пурăн. Эсӗ пулсан çутă тӗнче те илемлӗ!

Ырлăх курма сывлăх пултăр,

Ӳсӗм тума тӳсӗм пултăр.

Кăмăл уçма кăмăл пултăр,

Телей курма тивлет пултăр.

Саламлаканӗсем:  мăшăрӗ, ывăлӗсем, хӗрӗ, кинӗсем, мăнукӗсем, тăхлачăшӗ.