«Ырă-сывă таврӑнӑр!»

Сабантуй уявӗ пуҫланас умӗн, район пуҫлӑхӗ Марат Гафаров ҫар ҫыннисене лаптăк варрине чӗнсе, тав турӗ.

— Пирӗн ҫӗршывăн хуралӗнче ҫакӑн пек паттăр каччăсем тӑнӑран, эпир тӑнӑҫлăхра пурӑнма, ҫакӑн пек уявсене анлăн палăртса ирттерме пултаратпӑр. Тавтапуҫ сире! Ырă-сывă таврӑнӑр! Эсир пире питӗ кирлӗ! — терӗ Марат Ринатович.

Паянхи кун ятарлӑ ҫар операцийӗн зонинче районти 200тен ытла каччă службăра тăрать. Вӗсенчен 100тен ытларахăшӗ — хăйсен ирӗкӗпе кайнисем.

Район, республика шайӗнче ҫар ҫыннисемпе вӗсен ҫемйисем валли тӗрлӗ пулӑшусем пӑхса хӑварнӑ, вӗсенчен кашниех тӗп тимлӗхре тăраççӗ.

— Эпир ентешсем пулӑшнине питӗ туятпӑр. Район ҫыннисем янӑ кучченеҫсем, кирлӗ пулнă япаласем те килсе çитеҫҫӗ. Килсе çитнӗ апат-ҫимӗҫсем пире киле илсе таврăннă пекех туйăнать, — тесе каласа парать Кивӗ Çӗпрел ялӗн каччи Фанис Хайруллин. (Ҫак кунсенче кăна ăна II степеньлӗ «Ҫарти паттӑрлӑхшăн» медаль панӑччӗ).

Каччӑсем ӳпкелешме пӗлмеҫҫӗ. «Эпир Çӗнтеретпӗр!» — теççӗ. 

Мӗн авалтан, ҫӗршыв ҫине йывăрлăх йăтăнса аннă вăхăтра, халӑх пурте пӗр шухӑшлӑн ҫӗкленнӗ, ватти-вӗтти хӑйӗнчен пай кӗртнӗ, ҫӗнтерӗве çывхартнă. Паян та, ятарлӑ ҫар операцийӗ пынӑ май, ҫӗршывра пурӑнакансем пӗрле, вăй çитнӗ таран тăрăшаҫҫӗ. Пирӗн республикӑра та, районта та патриотла туйӑмсем ытларах, кашниех вӑй ҫитнӗ таран пулӑшать.
Ҫитес кунсенче районтан ҫар ҫыннисем патне черетлӗ гуманитари пулӑшӑвне илсе кайӗç. Эсир ҫак паха мероприятире хутшӑнас, пулӑшу парас тетӗр пулсан, «Созидание» ҫамрӑксен клубне кайма пулать.

Çак темăпа

Раҫҫейре Хӗҫ-пӑшаллӑ вӑйсене контрактпа ҫар службине каясси малалла тӑсӑлать. Договор тунӑ кашни ҫын пӗр вӑхӑтлăх 1 000 000 тенкӗ тӳлев илме пултарать. Тӗплӗрех 117-мӗш, 8 (800) 222-59-00, 8 (843-75) 2-31-50 телефон номерӗсемпе шăнкăравласа пӗлме пулать.

Ссылкăпа heroes-tatarstan. ru сайта кӗрсе, анкета тултарма та май пур.