Ырӑ ӗҫ çулӗсем

Ҫӗршывра 2001 ҫултанпа июнӗн 8-мӗшӗнче социаллӑ ӗçчен кунне паллӑ тӑваҫҫӗ. 

Ҫӗпрелӗнче çак ӗçре 114 çын вăй хурать. Вӗсем аслă çулсенчисене, пӗччен пурăнакан ҫынсене, тӑлӑхсене, инвалид ҫынсене тата пулӑшу кирлӗ ҫынсене пурне те пулӑшса, кирлӗ ӗҫ пурнӑҫлаҫҫӗ. Социаллӑ ӗҫчен — ахаль професси мар, вӑл — пурнӑҫ йӗрки, ӑс-хакӑл тӗлӗшӗнчен пуянлӑх.

1980 ҫултанпа июнӗн виҫҫӗмӗш вырсарникунӗнче те медицина ӗçченӗсен кунне паллӑ тӑваҫҫӗ. Район халӑхӗн сывлӑхӗн хуралӗнче 340 ӗçчен ӗҫлет. 

Район пуҫлӑхӗ Марат Гафаров икӗ професси уявӗпе те чӗререн тав турӗ. «Ҫак датăсем — пысӑк яваплӑлăх туйăмлă ҫынсен уявӗ, кирлӗ пулсан пулӑшма васкакан, чун пуянлӑхне, чӑтӑмлӑхне тата ыттисене вӑй-халне парнелекенсен уявӗ вăл», — терӗ вӑл.

— Эпир сирӗн йывӑр, анчах та кирлӗ ӗҫӗре ăмсанатпăр. Сире ыттисемшӗн усӑллӑ пулма, ырӑ ӗç тума тӑрӑшнӑшӑн тав тӑватпӑр. Йывӑр та канӑҫсӑр ӗҫӗр сире чун канăçӗ патăр. Професси уявӗпе саламлатӑп, ҫирӗп сывлӑх, телей тата тăнăçлăх сунатӑп", — терӗ район пуҫлӑхӗ.

Мероприятисенче ырӑ та сапăр професси ҫыннисене ӑшӑ сӑмахсем нумай каларӗç. Районти Культура çурчӗн артисчӗсем те çак ӗçсенче тăрăшакансене хӑйсен юррисене, ташшисене парнелерӗç.

Ӗçченсен тухӑҫлӑ ӗҫне нумай патшалӑх районти наградисемпе: Хисеп грамотисемпе, Тав ҫырӑвӗсемпе, медальсемпе палӑртрӗç.