Хӗрарӑм – сапăрлӑх тӗслӗхӗ-тӗр

Савӑнӑҫлӑ мероприяти районти Культура çуртӗнче иртрӗ.

Уява РФ Патшалӑх Думин экономика политикин комитечӗн ертӳçи, патшалӑх тата политика деятелӗ Максим Топилин, район пуҫлӑхӗ Марат Гафаров, ҫавӑн пекех, паян кӗске вӑхӑтлӑха отпуска таврӑннӑ ҫар çынни Ильдар Ситдиков хутшӑнчӗ. Мероприятие 200 ытла хӗрарӑма чӗннӗччӗ.

Паян пирӗн Тӑван çӗршывăн чиккисене неонацистсенчен хӳтӗлекенсен ҫемйисем ҫывӑх ҫыннисем таврӑнасса чӑтӑмлӑн кӗтеҫҫӗ.

Максим Топилин паянхи кӑткӑс, анчах ҫӗршывшӑн пӗлтерӗшлӗ миссие пурнӑҫлассишӗн пурне те ӗçлени, ҫар ҫыннисене, вӗсен ҫемйисене пур майпа та пулӑшу панине палӑртрӗ.

– Сирӗнтен кашниех паян уйрӑм лару-тӑрура – сирӗн мăшăрӑрсемпе ывӑлӑрсем ятарлӑ ҫар операцинче хутшӑнаҫҫӗ. Ҫуркуннен ҫак уявне те ӑнланмалла сӑлтавсене пула, вӗсемсӗр ирттерме тӳрӗ килет. Анчах эсир вӗсемшӗн чи ҫывӑх ҫынсем пулнине, сирӗн ҫак йывӑр кунсем вӗҫленессине асра тытмалла. Сӑн-питӗр ҫинче яланах кулӑ, чӗрере вара савӑнӑҫ пултӑр. Эпир вара сирӗн пурнӑҫӑр ансатрах пултӑр тесе пурне те тума тӑрӑшӑпӑр, – терӗ Максим Топилин.

Марат Гафаров залра ларакан хӗрарӑмсене уяв ячӗпе саламларӗ, ҫар ҫыннисен тӗлӗшпе пулнă юратупа шанӑҫшăн тав турӗ. «Хӗрарӑмсӑр пуҫне çӗр çинче ӑшӑ ҫук, пӳртсенче ҫутӑ ҫук», – тесе, хӑйӗн сӑмахне вӑл Константин Бальмонтӑн сӑвӑ йӗркисемпе малалла тӑсрӗ. «Хӗрарӑм – пирӗнпе пӗрле ҫуралнӑ чухне те, хӗрарӑм – пирӗнпе пӗрле юлашки сехетре те. Хӗрарӑм, вӑл – ялав, вӑрҫӑ пынӑ чухне те, хӗрарăм  – вăл савӑнӑҫ, куҫсем уҫӑлнă самантра та», – тесе  вӑл мӗнпур хӗрарӑмсене телей, сывлӑх сунчӗ.

Мероприяти шайӗнче çулсерен ирттерекен «Çулталӑк хӗрарӑмӗ. Çулталăк арçынни: хӗрарăм куçӗпе – 2022» конкурсăн зонăри турӗнче çӗнтернӗ Упи вăтам шкулӗн педагогне, Тутарстан Республикин тава тивӗҫлӗ культура тата çутӗç ӗҫченне Людмила Сердцевана, ҫавӑн пекех, ҫак кун çуралнă кунӗсене паллӑ тӑвакан хӗрарӑмсене те саламларӗ.

Мероприяти юрăсемпе, хореографи коллективӗсен ташшисемпе çыхăнса пычӗ. Тав туса, хисеплесе хӗрарӑмсене чечексемпе парнесем валеҫсе пачӗҫ. Вăхăтлăха отпуска таврăннă Ильдар Ситдиков хăйӗн тусӗсене, хресчен-фермер пуçлăхне Равиль Бикчуров та районти мӗнпур хуçалăхсен ятӗнчен этемлӗхӗн черчен пайне ăшшăн саламласа, ырă сунăмӗсене пӗлтерчӗ.

Марина Ягашкина:

– Район пуҫлӑхне Марат Гафарова, ертӳçӗсене ялан пулӑшса тăнăшăн, ăнланнăшăн тав тăватăп. Эпир пӗрле чухне ҫеҫ йывӑрлӑхсене ҫӗнтерме пултаратпӑр.