Хальхи вӑхӑтри герой

Тури Хураката ялӗнче ҫуралса ӳснӗ хастар каччăпа Раиль  унăн кӗске вăхăтлă отпускӗн вăхăтӗнче калаçса илме май пулчӗ.

Марс вӑтам шкулӗнче пӗлӳ илнӗ хыҫҫӑн, отрасль технологийӗсен техникумӗнче вӗренет. Унтан нумай шухăшласа тăмасăр, çӗршыв умӗнчи таса тивӗçне пурнăçлама çар службине каять. Хӑйне пур енчен те тӑрӑшуллӑ та пултăклă кӑтартма пултарнă каччă салтакран сержант званийӗ илсе таврăнать. Фабрикӑра килти сӗтел-пукансене ӑсталас ӗҫ ӑна савӑнтарнӑ пулин те, чун-чӗрине ачаранпах ҫар тумне тӑхӑнса ҫӳресси вара канӑҫ памасть. Вăл контрактпа çар службине каять. 

— Мӗн ачаранах ҫар ҫыннисене ăмсанса ӳсрӗм. Телевизорпа та ҫар тематикине халалланӑ киносемпе передачӑсем пӑхаттăм. Вӗсен паттӑрлӑхне, тумне, хӑйсене мӗнле тыткаланине ăмсанаттăм. Эпӗ хам та ҫавӑн пек пулма ӗмӗтленсе пурăнтăм. Тинех манӑн ӗмӗтӗмсем пурнӑҫланчӗҫ, — тет хӑй ҫинчен Раиль. 
Контрактник Раиль бригади ятарлӑ ҫар операцине пӗлтернӗ хыҫҫӑнах, малти линире пулать. Вӗсем Донецк тата Луганск халӑх Республикисен территорийӗсене нацистсенчен хӑтарнă çӗрте хутшӑнаççӗ.

— Ирӗке кӑларнӑ территорире ахаль халӑхпа тӗл пулсан, эпир мӗн чухлӗ кирлӗ ӗҫ тунине ӑнлантӑм, — тет Раиль. — Вӗсем пире чун-чӗререн тав турӗҫ.

Ҫар тивӗҫне пурнӑҫланӑ чухне паттӑрлӑх кӑтартнӑшӑн Раиль  IV степеньлӗ Георги хӗресӗпе тата Паттӑрлӑх медалӗпе наградӑланӑ. 

— Ҫар служби ҫӑмӑл мар, яланах авторитетлă пулчӗ, çапла пулса юлать те. Халӗ те, эпӗ суйлав умӗнче юлнӑ пулсан, пӗр шухӑшласа тӑмасӑрах, ҫав ҫулах суйласа илнӗ пулӑттӑм. Пирӗн арҫынсен тивӗҫӗ — Тӑван ҫӗршывăмăра, унӑн халӑхне хӳтӗлесси, пирӗн пуласлӑх ҫутӑ та илемлӗ пултӑр тесе служить тăвасси, — тет Раиль.

Пирӗн статьян геройӗ район çыннисене, ентешӗсене, йӗркелӳçӗсене гуманитари тата çыру форминчи мораль тӗлӗшӗнчен пулӑшăвӗсемшӗн тав тунине пӗлтерчӗ.

Ентешӗмӗрӗн кӗске вӑхӑтлӑха отпускра пурӑннӑ кунӗсем хӑвӑрт иртрӗҫ, ҫак кунсенче вӑл каллех юлташӗсем патне ҫул тытрӗ, ҫар тивӗҫне пурнӑҫлама пуçăнӗ. Каччăсемпе арҫынсем ырă-сывă пулччăр, ҫӗнтерӳпе килӗсене таврӑнччăр, тетпӗр!

Справка

Ҫӗпрел районӗнче контрактниксем валли çаксене палӑртнӑ:

— пӗр хут 1,7 миллион тенкӗ укçа;

— Ятарлӑ ҫар операцийӗсен зонинче уйăхсерен укçа 210 пин тенкӗрен пуçласа;

— Социаллӑ гарантисем.

Пур ҫӑмӑллӑхсемпе тӳлевсем ҫинчен туллин пӗлес, документсене регистрацилес тесен 8 962 560-40-79, 8(84375)2-27-09 телефон номерӗсемпе шăнкăравлама пулать.