Тыр çине тухма вăхăт çитсе пырать

Район пуҫлӑхӗ Марат Гафаров ертсе пынипе, составӗнче районти ял хуҫалӑхӗпе апат-ҫимӗҫ управленийӗн начальникӗ Талгат Халитов, «Гостехнадзорӑн» районти уйрăмӗн патшалăх инженерӗ Ильдар Шайхаттаров, «Россельхозцентр» филиалӗн ТР Ҫӗпрелӗнчи уйрăмӗн начальникӗ Исламетдин Низамов пулнă комисси комбайнсен шайне тишкерчӗ. 

Тишкернӗ çӗрте, авăн пекех, районти хуҫалӑхсемпе агроуправлени специалисчӗсем те хутшӑнчӗҫ.
Тырӑ вырмалли техникӑна тишкересси «Цильна» обществӑн машинӑпа трактор паркӗнчен пуҫланчӗ. Унтан комисси «АгроТрансПорт», «Ҫӗпрел Рассвет Агро» обществăсене ҫитсе курчӗ. Комисси тишкерӗвне, çавăн пекех, Бикчуров, Махмутов, Низамов, Дамаев, Шишкин хресчен-фермер хуҫалӑхӗсен тырӑ вырмалли техникине те сӗнчӗç.

— Кӑҫал ҫуркунне ир килчӗ, ял хуҫалӑх ӗҫӗсем пурте яланхи пек мар, ир пуҫланчӗҫ. Анчах, ҫанталӑк пире савӑнтармасть, ҫумӑр ҫумасть, уяр пулнă пирки уй-хирсем пурте нӳрсӗр нушаланаççӗ. Ҫавӑнпа кӑҫалхи тырӑ пирӗншӗн, кашни пучах, кашни тырă пӗрчи хаклӑ пулӗ. Акса ӳстернӗ тырпула тӑкаксӑр пуҫтарассишӗн комбайнсен герметики мӗнле пулни уйрăмах паха. Пурне те ӑнӑҫу, сывлӑх, тухӑҫлӑ ӗҫ, акса ӳстернӗ тырпула ăнӑҫлӑ пухса илме, хăвăра тата пӗр-пӗрне сыхлама сунатăп, — терӗ район пуҫлӑхӗ Марат Гафаров.

Мӗнпур хуҫалӑхсен ертӳçисем палăртнă тăрăх, тырпула пухса кӗртнӗ тапхӑрта куҫса ҫӳрекен юсав бригадисем ӗҫлӗç, вӗсене кирлӗ оборудованисемпе, запас чаҫсемпе тивӗҫтерессине йӗркелӗç, пушар тухасран уй-хирсенче ятарлă автомобильсем хураллассине палӑртӗç.

Комбайнсене пӑхса тухнӑ чухне чи малтан вӗсен техникӑлла шайне тишкерчӗç. Техника герметики ҫине пысӑк тимлӗх уйӑрчӗç. Ҫав хушӑрах агрегатсен пушар сӳнтермелли, пӗрремӗш медицина пулӑшӑвӗ памалли хатӗрсемпе, шыв запасӗпе тивӗҫтерес ыйтусем тимлӗх центрӗнче пулчӗҫ. Мероприяти вӑхӑтӗнче ӗҫ сыхлавӗн, хӑрушсӑрлӑх техники çинчен те сăмах пулчӗ. 
— Чи кирли — тухăçа пахалӑхлӑ, тӑкаксӑр пухса илесси. Кӑҫал тыр çи тапхăрӗ йывӑр пулать, тырпула вӑхӑтра тата тӑкаксӑр пухса кӗртес тесен пӗтӗм вӑя хумалла. Ҫавӑнпа тырӑ вырмалли техника хатӗррине палӑртнӑ чухне унӑн герметики пысӑк пӗлтерӗшлӗ, — тесе палӑртрӗ агроуправленийӗн пуҫлӑхӗ Талгат Халитов.

Комисси членӗсем мӗнпур тырӑ вырмалли техника хатӗрлӗхне пысӑка хурса хакларӗҫ, «Цильна» общество механизаторӗсен ӗҫне, Бикчуров, Махмутов хресчен-фермер хуçалăхӗсен, «АгроТрансПорт», «Çӗпрел Рассвет Агро» обществăсен механизаторӗсен ӗҫне лайăх, тесе палăртрӗç.

Кашни техникӑна хуҫалӑхра кирлӗ шайра хатӗрленӗ чи лайӑх комбайнерсене грамотăсемпе, укҫан премисемпе пареленчӗç.
«Бикчуров Р. А.» хресчен-фермер хуçалăхӗнче: 1 вырӑна — Зульфат Юсупов, 2 вырӑна — Ильгизар Бухариев, 3 вырӑна — Барит Басыров. «Махмутов И. Ф.» хресчен-фермер хуçалăхӗнче: 1-мӗш вырӑна Газим Мухаметзянов йышӑнчӗ.
«Дамаев Н. Н.» хресчен-фермер хуçалăхӗнче: 1 вырӑна И. Идиатуллина пачӗç.

«АгроТранСпорт» обществӑра: 1 вырӑна — Ю. Биктиряков, 2 вырӑна — И. Низамов, 3 вырӑна — А. Хохлов тивӗçрӗ.
Ҫӗпрел Рассвет Агро" обществӑра: 1 вырӑн — Айрат Залялов, 2 вырӑна — Ильдус Гафуров, 3 вырӑн — Алексей Захаров.
Тыр çи вӑхӑтӗнче комбайнерсен ӑмӑртӑвӗсене пӗтӗмлетӗҫ, малта пыракансене грамотăсемпе тата укҫа-тенкӗ премийӗсемпе чыслӗç.