Тыр çи вӗçленчӗ

Районти çӗр ӗҫченӗсем, уяр кунсемпе максимальлӗ усă курса, тырпулсене вырса пухассине вӗçлерӗç. Пурӗ 40 пинрен ытла гектар  лаптăк çинчи пӗрчӗллӗ тата пăрçа йышши культурăсене çапса илсе, йӗтем çине 65 пин тоннăна яхӑн тырӑ килнӗ. Район тăрăх кашни гектартан тухнă тухӑҫ вӑтамран – 16,1 центнер.

Чи пысăк тухăç «Цильна» обществӑра, кунта пӗрчӗллисен кашни гектарӗ 30,1 центнер  тухӑҫ пачӗ. «АгроТрансПорт» обществӑра кашни гектартан тухнă тухӑҫ 25,2 центнера тӳрӗ килет. Хресчен-фермер хуҫалӑхӗсем хушшинче вара чи пысăк тухăç КФХ «Р.А.Бикчуров» хресчен-фермер хуçалăхӗнче, кунта пӗрчӗллисен кашни гектарӗнчен 23шер центнер тухăç пухса илнӗ.