Тыр çи ӗçӗсен юлашки çухрăмӗсем

Тырпул пухса кӗртес кампание те районта чи малтан «Цильна» общество пуҫласа янăччӗ.

Пӗрчӗллӗ тата пăрçа йышши культурăсене вырса пухассине те çак общество чи малтан вӗҫлерӗ. Кунсӑр пуҫне тата ҫакна та палӑртмалла: обществӑра тырпула вӑхӑтра кӗлетсене кӗртсе вырнаçтарса пыраççӗ, комбайнсем вырса çапнă участоксенче ҫавӑнтах улӑмне те пуҫтараҫҫӗ, кӗрхи суха та тӑваҫҫӗ.
«Цильна» обществăн ӗçченӗсем туса илнӗ туллăн, пӗтӗмлетсе каласан, ытти тырӑ культурисен, пахалӑхӗ те питӗ лайăх.

— Тырпула акнӑ хыҫҫӑн унăн анисем çинчен çу тăршшӗпех каймасан тухăçӗ те пулать ӗнтӗ, — тет Барис Гафуров, ака лаптӑкӗсене пур тӗрлӗ удобренисем те хывнине, хурт-кăпшанкăсене, чир-чӗрсене хирӗҫ ӗçе кӗртнине шута илсе. — Ҫӗр ӗҫӗнче тивӗçлӗ тухăç илессишӗн обществăн специалисчӗсен звени ҫулталӑкӗпех ӗҫлет. Пирӗн ҫӗр ӗҫченӗ-механизаторсем, водительсем те питӗ тӑрăшуллă. Тырпула кӗске вӑхӑтра тата çухатусемсӗр пухса кӗртессишӗн кунне-çӗрне пӗлмесӗр ӗҫлерӗмӗр, — тет обществăн ертӳҫи.

Паллах, кунта ӗҫлекен ҫынна питӗ хисеплеҫҫӗ. Тыр çи ӗçӗсем вӗçленнӗ кун та Барис Гафуров ҫӗр ӗҫченӗ-механизаторсемпе юнашарччӗ. Вӗсем юлашки гектарсем ҫинче ӗҫе пӗтерессе кӗтсе, вӑл пуринпе те курса калаҫрӗ. Тӑрӑшса ӗҫленӗшӗн парнесем те пачӗ.

Раиль Халитов, комбайнера пулăшакан:

— Хуçалăхра тырпул пухса кӗртес ӗҫ вӗçленни, паллах, савӑнтарать. Анчах та халӗ уй-хирсене тухма май ҫуккишӗн чун пӑшӑрханать. Комбайнера пулăшакан пулса ӗҫлеме хам ыйтса килетӗп эпӗ. Мана килӗшет. Наставникӗмпе Рафик Шайдулловпа пӗрле ҫак тыр çи ӗçӗсенче те малтисен ретӗнче пытăмăр. Кӗске вăхăт хушшинче пире темиçе хут парнелерӗç.

Справка:

«Цильна» обществӑра пӗрчӗллӗ тата пăрçа йышши культурăсен кашни гектарне тӳрӗ килнӗ вăтам тухăç 53,9 центнерпа танлашать. Пӗтӗмӗшле пухăм — 109614 центнер.
Паянхи кун районта тырпул пухса кӗртмелли ӗҫсем 80% пурнӑҫланчӗç.