«Тутарстан кросӗ — 2024»

«Нацисен кросӗ» — хутшӑнакансен шучӗпе тата масштапӗ те чи анлă сарăлнă спорт мероприятийӗ.

Районта иртнӗ çак ӑмӑртусенче те тӗрлӗ ҫулсенчи, ҫынсем хутшӑнчӗç. Вӗсене районти Ӗҫ тӑвакан комитетăн ертӳҫи Рустам Мухаметзянов саламларӗ, ăнăçусем сунчӗ. 

Малалла вӑл Аслӑ Аксу вăтам шкулӗнче вӗренекен Егор Искендерова, 1 номерлӗ Кивӗ Çӗпрел вăтам шкулӗнче вӗренекен Данис Исакова, районти Ӗҫ тӑвакан комитетăн шоферне Даниф Шарафутдинова, Аслӑ Аксу вăтам шкулӗнчи физкультура вӗрентекенне Валерий Юманова «Ӗҫе тата хӳтӗленме хатӗр» (ГТО) комплексӑн ылтӑн паллисене пачӗ.

Кӑҫал ҫулла «Хусканура — перекет» республикăри онлайн акци иртрӗ. Акцие пирӗн районти ҫемьесем те хутшӑнчӗҫ. Мероприятийӗн савăнăçлă пайӗнче акцийӗн ҫӗнтерӳҫине Хрисановсен ҫемйине те парнелерӗç.

Кросс пуҫланас умӗн «ГТОпа 1 класа» республикӑри онлайн конкурсăн муниципаллă этапӗн ҫӗнтерӳҫисене: 1 номерлӗ Кивӗ Çӗпрел вăтам шкулӗнче вӗренекенӗсене Ильшат Вильданова, Адиля Насибуллинана тата Чӑваш Çӗпрел вăтам шкулӗнче вӗренекен Ксения Хрисанована Дипломсемпе парнесем пачӗç.

Старта чи малтан район центрӗнчи ача садне çӳрекен чи ҫамрӑк спортсменсем тухрӗҫ. Вӗсен ҫӗр метр чупмаллаччӗ. Ӑмӑртусенче ҫемьепе чупас енӗпе те старт пулчӗ.

Районти Ӗҫ тӑвакан комитетăн ертӳҫи Рустам Мухаметзянов ҫӗнтерӳҫӗсене грамотӑсемпе медальсем пачӗ.
«Нацисен кросӗ — 2024» Пӗтӗм Раҫҫейри чупăвӗнче тата «Тутарстан кроссӗ — 2024» республикӑри массӑллӑ ӑмӑртусенче чи ҫамрӑкки Вероника Кузьмина, вӑл 3 ҫулта 4 уйӑхра, Геннадий Карсаков вара чи асли пулса тăчӗç.

Мероприяти ҫӑмӑл атлетика енӗпе федерацийӗн филиалӗн ертӳҫин Евгений Иванцовăн спонсор пулӑшӑвӗпе иртрӗ. 

Лаптăкра «Ӗҫе тата хӳтӗленӗве хатӗр» комплексăн нормативӗсене пурнӑҫлама та май пулчӗ.