«Тутарстан кросӗ — 2023»

Иртнӗ эрнере районти ҫӗнӗ йӗлтӗр базин территорийӗнче хӑйсен спорт енӗпе тӗрӗслесе пăхас текенсем пухӑнчӗҫ. Ҫӗпрел ҫыннисем ҫак кун «Тутарстан кросӗ — 2023» массӑллӑ ӑмӑртусене хутшӑнчӗç.
Мероприятие спорта юратакансем, спорт ветеранӗсем, ӗҫ коллективӗсем, шкул ачисем тата шкул çулне çитичченхи ачасем те хутшӑнчӗҫ.

Ӑмӑртӑва уҫнӑ май, районти Ӗҫ тӑвакан комитетăн ертӳҫи Рустам Мухаметзянов пурне те саламларӗ, вӗсене ӑнӑҫу сунчӗ. Ҫавӑн пекех спортсменсене Ҫӗпрел муниципаллă районӗнчи ҫӑмӑл атлетика федерацийӗн филиалӗн ертӳҫи Евгений Иванцов та саламларӗ.

Мероприяти шайӗнче ГТО комплексӗн ылтӑн паллисене илнӗ чи ҫамрӑккисене парнелерӗç. ГТО ылтӑн паллисене Кивӗ Çӗпрелӗнчи нумай профильлӗ лицейра вӗренекен Расул Калимуллина, 1 номерлӗ Кивӗ Çӗпрел вӑтам шкулӗнчи аслӑ класра вӗренекенсене Камиля Насибуллинапа Диана Хасанована пачӗç.

Августӑн 28-мӗшӗнчен пуҫласа сентябрӗн 10-мӗшӗччен районта «ГТОпа 1 класа» республикăри онлайн-акцийӗн муниципаллă тапхăрӗ иртрӗ. Конкурсăн пӗтӗмлетӗвӗсемпе Аслă Аксу вăтам шкулӗн вӗренекенӗ Андриян Колбасов, Çӗнӗ Упи тӗп шкулӗнче вӗренекен Ева Шурбина, Чӑваш Паснапуç пуҫламӑш шкул-ача сачӗн вӗренекенӗ Матвей Васильев муниципаллă тапхăрта çӗнтерӳçӗ пулчӗç. Муниципаллă этапри ҫӗнтерӳҫӗсене парнесемпе Дипломсем пачӗç. Акцин республика тапхӑрӗн пӗтӗмлетӗвӗсем тӑрӑх, Матвей Васильев республика тапхӑрӗнче те ҫӗнтерни паллӑ пулчӗ.

«Тутарстан кросӗ — 2023» ӑмӑрту тӗрлӗ ӳсӗмри категорисем хушшинче уйрӑм иртрӗ. Кашни ӳсӗм категорийӗн призерӗсене ҫӗнтерӳҫӗсен грамотисене, бронза, кӗмӗл, ылтӑн медалӗсене пачӗç.
«Нацисен кросӗ — 2023» Пӗтӗм Раҫҫейри тата «Тутарстан кросӗ — 2023» республикӑри массăллă чупу ӑмӑртăвӗнче чи çамрăк хутшăнакан (4 çулта) Аделия Гафарова, чи асли — Джаудат Мударрисов пулчӗç. Вӗсене те грамотăсемпе асӑнмалӑх парнесем пачӗç.

Ӑмӑрту вӑхӑтӗнче кроссра хутшӑнакансем чупас енӗпе ГТО нормативӗсене пачӗç.