Шур алшăллисем выляса тăчӗç кӗрешекенсен пилӗкӗ çинче

Çураки вӗçленсе, Сабантуя кӗтсе илесси — мӗн ӗлӗкрен питӗ пысӑк пулăм пулнă, ӑна уявлама вара малтанах хатӗрленнӗ. Пирӗн районта Культура çурчӗн ӗҫченӗсем уяв умӗн ял тӑрӑх парнесем пуҫтарса çӳрерӗç. Юрласа-ташласа, илемлетнӗ утлӑ лавсем ҫине ларнӑ ӗçченсене кашни килтех кӗтсе илчӗç.

Сабантуй уявӗ вара ытти çулсенчен тата та илемлӗрех, курăнусемпе пуянрах пулса тӑнипе асра юлчӗ. Ҫакна ҫутҫанталӑк та хӑйӗн хӗвеллӗ кунӗпе пулӑшрӗ. Йӑла-йӗркесене пӑхӑнса, Сабантуй лаптăкне тухнă Ҫӗпрелӗн икӗ наци представителӗсен: тутар тата чӑваш каччисемпе хӗрӗсен кашни хусканăвӗнче нацисен илемӗпе пӗлтерӗшӗ палăрса тăчӗ, вӑй-хăват парса тăчӗ, малашлӑха ӗмӗт-шанӑҫ кӳчӗ. Районти художествӑлла пултарулӑх, фольклор ансамблӗсем, ӗлӗкрен юлнă традицисене палăртса, халăха уяв илемӗ пачӗç. 

Пӗр-пӗр пысӑк мероприяти пуҫланас умӗн шурсухалсемпе канашласа илес йӑла пур. Сабантуй уявӗ те районти мухтасиб Данир хазрат Шарафутдинов пилленипе уҫӑлчӗ.

Район пуҫлӑхӗ Марат Гафаров Çӗпрел ҫыннисене, хӑнасене уяв ячӗпе саламларӗ, ăнăçусем çинче чарӑнса тӑчӗ, малашнехи ӗҫсене сӳтсе яврӗ.

— Сабантуй уявӗ — халӑхсен туслӑхӗн уявӗ. Тӗслӗхрен, паянхи лаптăка кăна илер, унта пирӗн районта пӗрлӗхлӗ, килӗштерсе пурӑнакан тутар, чӑваш нацисен представителӗсем пухӑннӑ, выляҫҫӗ, юрлаççӗ, ташлаҫҫӗ, канаҫҫӗ. Ҫапла, ӗçченсене, паллах, чысламалла. Районта паттӑрсемпе, малта пыракансемпе, мăнаçланма пултаракан çыннăмăрсем пайтах. Уяв ячӗпе, сире, хисеплӗ ентешӗмӗрсем, пӗрле туслă, района аталантарассишӗн малашне те тӑрӑшса ӗçлеме пӳртӗрччӗ, — терӗ вӑл.

Ҫӗпрел Сабантуйне республикӑн тӗп хулинчен — Хусантан, таврари облаҫсенчен хисеплӗ хӑнасем килнӗччӗ: Тутарстан Республикин Раисӗн Рустам Миннихановăн ятӗнчен саламлă сăмахсене Çӗпрел ҫыннисене Росимуществăн Тутарстанпа Ульяновск облаçӗнчи регионсен хушшинчи территорилле управленийӗн ертӳçи Альберт Хайрутдинов пӗлтерчӗ. Тутарстанпа Чӑваш Республикин Патшалӑх Совечӗн депутачӗсем Шакир Ягудин, Николай Угаслов, Ульяновск облаҫӗнчен килнӗ хӑна Руслан Гайнутдинов тухса калаçрӗç, пурне те ăшшăн саламларӗç.

Паллах, ҫӗршыври паянхи лару-тӑру никама та сӳрӗккӗн хăвармасть. Уяв мероприятийӗнче лаптăк варрине паян ятарлӑ ҫар операцийӗн зонинчен кӗске вӑхӑтлӑха отпуска таврӑннӑ каччăсене чӗнсе кăларчӗç. Район пуҫлӑхӗ Марат Гафаров вӗсене пирӗн ҫӗршывăн тӑнӑҫлӑх хуралӗнче кăтартнă паттӑрлăхӗсемшӗн чысларӗ, тав турӗ, ҫывӑх вӑхӑтра çӗнтерӳпе тӑван тӑрӑха ырă-сывă таврӑнма сунчӗ, парнесем пачӗ.

Унтан лаптăкра уй-хир паттăрӗсене, ҫурхи уй-хир ӗҫӗсен малта пыраканӗсене, социаллӑ пурнӑҫпа пӗлтерӗшлӗ отрасль представителӗсене чысларӗҫ. Ӗçӗсене тӳрӗ кӑмӑлпа тата нумай ҫул хушши ăнăçлă пурнӑҫланӑшӑн патшалӑх наградисемпе парнелерӗç: «Раҫҫей Федерацийӗн агропромышленность комплексӗн хисеплӗ ӗҫченӗ» ята районти ял хуҫалӑхӗпе апат-ҫимӗҫ управленийӗн начальникӗ Талгат Халитов тивӗҫрӗ. 

РФ Ял хуçалăхӗн министерствин Тавне «Государев Амбар» обществӑн шоферне Тальгат Данилова тата электромонтерне Петр Ильина, «Тутарстан Республикин тава тивӗҫлӗ ял хуҫалӑх ӗҫченӗ» хисеплӗ ята «П. В. Дементьев ячӗллӗ агрофирма» обществăн шоферне Рамис Алимова, «Тутарстан Республикин тава тивӗҫлӗ ял хуҫалӑх механизаторӗ» ята Николай Пайзене, «Тутарстан Республикин тава тивӗҫлӗ ветеринари врачӗ» ята Матакри ветеринари участокӗн ветеринари фельдшерне Фиркать Ахметшина, «Тутарстан Республикин тава тивӗҫлӗ выльӑх пăхаканӗ» ята «Цильна» обществӑн дояркине Зульфия Зяббарована пачӗç.

Тутарстан Республикин Министрсен Кабинечӗн Тавне «Амосов» хресчен-фермер хуçалăхӗн пуҫлӑхӗ Алексей Амосов, районти культура пайӗн ертӳçи Зульфат Сагдеев тивӗҫлӗ пулчӗç.
ТР Культура министерствин «Культура ӗçӗнчи çитӗнӗвӗсемшӗн» паллăна район центрӗнчи библиотекарь Зульфия Каримова, ТР мусульмансен Тӗн управленийӗн асăнмалăх медальне «Жамигъ» мечетӗн имам-хатибӗ Гумер хазрат Ракипов илчӗç.
Кӑҫал I степеньлӗ «Чи культурӑллӑ хуҫалӑх» Дипломне «Цильна» общество (ертӳҫи Барис Гафуров), II степеньлӗ Диплома «Рассвет Агро» обществăн коллективӗ (ертӳҫи Олег Чалмаев), III степенлӗ Димлома «АгроТрансПорт» общество (ертӳҫи Фанис Багаутдинов) тивӗҫлӗ пулчӗç.

Хресчен-фермер хуҫалӑхӗсем хушшинче: I степеньлӗ Диплома «Бикчуров Р. А.» (ертӳçи Равиль Бикчуров), II степеньлӗ Дипломпа «Махмутов И. Ф.» (ертӳҫи Ильмир Махмутов) тата III степеньлӗ Дипломпа «Низамов А. А.» (ертӳҫи Альберт Низамов) тата «Амосов А. А.» (ертӳҫи Алексей Амосов) парнеленчӗç
Ял хуҫалӑхӗнче нумай ҫул тӳрӗ кӑмӑлпа ӗҫленӗшӗн пӗр ушкăн Çӗпрел çыннисене патшалӑх наградисемпе, Хисеплӗ грамотӑсемпе, Тав ҫырӑвӗсемпе, професси ӗҫӗнче ҫитӗнӳсем тунӑшăн Хисеп Хӑми ҫинче вырӑн йышӑннине çирӗплетекен свидетельствӑсем, парнесем пачӗç. 

Тутар халӑхӗн традицийӗсене тата тутар писателӗсен творчествине пропагандӑлас ӗҫе пысӑк тӳпе хывнӑ, çыравçă ентешсем хушшинче: ӗҫ ветеранӗ, активлӑ общество деятелӗ Рузания Айнуллова, вӗрентекен-наставник, ветеран Барис Сабирзянов, район пичечӗн ветеранӗ Рашит Фатхуллов, Анат Чакă ялӗн хисеплӗ гражданинӗ, купӑссен коллекционерӗ Шамиль Мубинов тата 1 номерлӗ Кивӗ Çӗпрел вӑтам шкулӗн активлă вӗренекенӗсем Гузель Акбарова, Гузель Низамова Заки Нури ячӗллӗ район премине тивӗҫлӗ пулчӗç.

Районти культурӑна аталантарас ӗҫе пысӑк тӳпе хывнӑ ялти Культура çурчӗсен директорӗсене те парнесем пачӗç.
Сабантуйри спорт ӑмӑртӑвӗсене те хӑйне евӗрлӗ йӗркеленӗччӗ. Куракансем кире пуканӗсене ҫӗклесси, алӑ вăйне виçесси, канат туртасси, чӳлмексене ҫӗмӗресси, ҫӳллӗ юпа ҫине хӑпарасси пек ӑмӑртусене те юратса пăхрӗç. Кăмăлӗсем пуррисем тӗрлӗ вӑйăсенче хутшăнчӗç, ГТО нормине пачӗҫ.

Тӗп сцена ҫинче пурне те Хусантан килнӗ эстрада артисчӗ Ильнат Фархуллин хӑйӗн пултарулӑх коллективӗпе, ҫавӑн пекех, районти пултарулӑх артисчӗсем хăйсен юррисемпе, ташшисемпе хавхалантарса тăчӗç. Лаптăкăн пӗр енче вара кӗрешӳ пычӗ, тепӗр енче-тӗрлӗ наци вӑййисем. Кашниех хӑй кăмăлланă ăмăртура вăй виçсе, парнесем илчӗ, хăшӗсем вара кӗрешекенсене хавхалантарса, вăй парса тăчӗç.

Ачасемшӗн те йӑпанмалли нумай пулчӗ. Ашшӗ-амӑшӗсен, асламӑшӗсен тата аслашшӗсен кӗсйисем «тӳсчӗрччӗ» кăна. Унта та кунта чуччу ҫинче ярӑнчӗç, понисем çине ларса çӳрерӗç, ачасем пылак мамӑкпа тата мороженӑйпа сăйланчӗç.
Йӗри-таврара купӑс каланă сасăсем, наци юррисем янӑрарӗç. Ҫӗпрел районӗнче туслă тата килӗштерсе пурӑнакан икӗ халӑхӑн пурнӑҫне юрӑсемпе ташӑсенче кӑна мар, лаптăкри ҫуртсенче те кӑтартрӗç. Кашни ҫурт хӑнасене вӗрекен сӑмаварӗпе, чей-сахӑрӗпе, ҫӑкӑр-тӑварпа, сӑрипе кӗтсе илчӗ. Кунта тутарсемпе чӑвашсен авалхи ремеслосен пир-авӑр тӗртес, ал арманне çавăрас, мунча валли хурӑн милӗкӗ тӑвас ӗçсен вӑрттӑнлӑхӗсене пӗлме май пулчӗ. 

Районти библиотекарьсем те хӑйсен программисене ҫулран ҫул туллилентереççӗ. Кӑҫалхи уявра вӗсем пирӗн таврара ӳсекен усӑллӑ курӑксенчен сиплӗ чей хатӗрлес вӑрттӑнлӑхсене, наци йӑлисене кӑтартса пачӗҫ. «Ак калфак» организацин районти ертӳҫи Гульфия Яфизова вӗсен кашнийӗн историйӗпе паллаштарса тăчӗ. 
Лаптăкра халӑх нумай пулнă вырăн — кӗрешӳ. 

Лашасен ăмăртăвӗ те — уявӑн уйрӑм тата кӑмӑллӑ саманчӗ пулса тăчӗ. 
Уява акă çакăн пек анлă, пуриншӗн ăмсанмалăх пултăр тесен ирттерни — ялсене чапа кӑларни, нацие, историе палăртни вăл. Сабантуй кӗтсе илсе, тӗл пултарать, курнăçтарать кăна мар, тата пӗр ҫулталăклăх вӑй хушать, ӑс-хакӑл тӗлӗшӗнчен пуянлатать. Ан тив, Сабантуй-Акатуйсем пулсах тăччӗр, ҫӗршывра тăнăçлăх пултӑр, тесе уявран саланчӗ халӑх.

Сабантуй — спорт
Чунра — хӗрӳлӗх, хул-çурăмра вӑй пулнă чух...

Массреслинг енӗпе (йӗтӗр туртасси) арҫынсем хушшинче Ильяс Миннебаев 1 вырӑна, Владислав Алякин — 2 вырӑна, Ильназ Алиев — 3 вырӑна çӗнсе илчӗ. Массреслинг енӗпе хӗрарӑмӗсем хушшинче — Ильмира Камкаева — 1 вырӑна, Эльвина Валиева — 2 вырӑна, Энже Измаилова 3 вырӑна йышăнчӗ.
Хӗрарăмсен хушшинче экстремаллă вăйӗ енӗпе ӑмӑртусенче арҫынсем хушшинче 1 вырăна Раиль Хуснутдинов, 2 вырӑна — Виктор Тягусев, 3 вырӑна — Сергей Колпаков; хӗрарӑмсем хушшинче 1 вырӑна Гузель Кунжу, 2 вырӑна — Гульчачак Замалетдинова, 3 вырӑна —Елена Кадебина çӗнсе илчӗ. 
Шалча ҫине хӑпармалли ӑмӑртура Артем Солдатов ҫӗнтерӳҫӗ пулчӗ.
Тырӑ миххисем тиенӗ урапана туртас енӗпе ӑмӑртура Михаил Николаев (Çӗнӗ Йӗлмел), 2 вырӑна — Дмитрий Фролов (Çӗнӗ Улхаш), 3 вырӑна — Алексей Павлов (Упи) йышӑнчӗ.
Армрестлинг енӗпе (алă вăйне виçесси) 80 кг виçе категорийӗнче Марат Хакимов (Кӗçӗн Чăнлă) — 1 вырӑн, Николай Эндюков (Хулаçырми) — 2 вырӑн, Раиль Бакиров (Шланга) — 3 вырӑн. Хӗрарӑмсем хушшинче Гульчачак Замалетдинова (Ҫӗпрел) — 1 вырӑн, Рамиля Камалова (Тутар Паснапуç) — 2 вырӑн, Ильсеяр Аббазова (Кивӗ Кахăрлă) — 3 вырӑн. Арҫынсем хушшинче 80 кг ытларах виçе категорийӗнче Риназ Мустафин (Шланга) 1 вырӑна, Раиль Айметдинов (Ҫӗпре) — 2 вырӑна, Ильназ Камкаев 3 вырӑна йышӑнчӗç.
Кире пуканӗ ҫӗклес енӗпе арҫынсем хушшинче Илзар Махмутов (Патӑрьел) — 1 вырӑн, Иван Угаров (Теччӗ) — 2 вырӑн, Нияз Шайдуллов (Кӗçӗн Чăнлă) — 3 вырӑн. Хӗрарӑмсем хушшинче Оксана Угарова (Теччӗ) — 1 вырӑн, Елена Газебина (Кивӗ Улхаш) — 2 вырӑн, Инна Мускатинова (Аксу) — 3 вырӑн.
Штанга йăтас енӗпе ӑмӑртусенче 1 вырӑна Ильяс Миннебаев çӗнсе млчӗ, 2 вырӑна — Нияз Шайдуллов, 3 вырӑна — Виктор Гущев.
Футбол енӗпе Чӑваш Ҫӗпрел районӗн команди 1 вырӑна çӗнсе илчӗ, Хулаçырми 2 вырӑна — Ҫӗпрел районӗн — 3 вырӑн.
Волейбол енӗпе Ҫӗпрел команди — 1 вырӑн, мусульман ҫамрӑкӗсен команди — 2 вырӑн, студентсен команди — 3 вырӑн.
Кӗрешӳ. Паллах, наци кӗрешӗвӗ — Сабантуй илемӗ. Унта 45 килограма çитичченхи виçе йывăрăшӗнче çамрăксем хушшинче Кирилл Юдин (Алешкин-Саплык) — 1 вырӑн, Динар Мифтахутдинов (Кивӗ Кахăрлă) — 2 вырӑн, Антон Саймуллов (Кӗçӗн Чăнлă) — 3 вырӑн. 55 килограма çитичченхи виçе йывăрăшӗнче Булат Садиев (Тутар Паснапуç) — 1 вырӑн, Тагир Калимуллин (Тутар Паснапуç) — 2 вырӑн, Айрат Тимербулатов (Тутар Паснапуç) — 3 вырӑн. 65 килограма çитичченхи виçе йывăрăшӗнче Ильсаф Мифтахутдинов (Кивӗ Кахăрлă) — 1 вырӑн, Павел Иваничев (спорт шкулӗ) — 2 вырӑн, Егор Михайлов (Кӗçӗн Чăнлă) — 3 вырӑн. 65 килограмран ытларах виçе йывăрăшӗнчи ҫамрӑксем хушшинче Ильназ Зяббаров (Кӗҫӗн Чăнлă) — 1, Михаил Ильич (спорт школӗ) — 2 вырӑн, Сулейман Худайберганов (спорт школӗ) — 3 вырӑн. 
Хӑнасем хушшинче Ислам Саитморатов (Пӑва) — 1 вырӑн, Айнур Молотков (Хусан) — 2 вырӑн, Раиль Ахметов (Ульяновск) — 3 вырӑн.
65 килограма çитичченхи виçе йываăрăшӗнчи арçынсем хушшинче Ильгам Сафин (Шланка), Ильназ Миначев (Кивӗ Кахăрлă) — 2 вырӑн, Нияз Мухаметзянов (Шланка) — 3 вырăн. 75 килограма çитичченхи виçе йывăрăшӗнчи арҫынсем хушшинче Рамиль Камалов (Тутар Паснапуç) — 1 вырăн, Ильдар Басыров (Кӗçӗн Чăнлă) — 2 вырӑн, Нияз Хузиев (Кивӗ Кахăрлă) — 3 вырӑн. 85 килограма çитичченхи виçе йывăрăшӗнчи арçынсем хушшинче Наиль Низамов (Кӗçӗн Чăнлă) — 1 вырӑн, Раиль Айнетдинов (Кӗçӗн Чăнлă) — 2 вырӑн, Раиль Камалов (Тутар Паснапуç) — 3 вырӑн. 85 килограмран ытларах виçе йывăрăшӗнчи арҫынсем хушшинче Раиль Камалов (Кӗçӗн Чăнлă) — 1. Айназ Мухаметзянов (Шланка) — 2, Ильназ Камкаев (Кивӗ Кахăрлă) — 3 вырăн. Хӑнасем хушшинче (арҫынсем): Ранис Карданов (Шăнкăртан) — 1 вырӑн, Ильназ Келитов (Шăнкăртан) — 2 вырӑн, Даут Мифтахутдинов (Пӑва) — 3 вырӑн.
Абсолютлӑ паттӑрӑн титулне Кӗҫӗн Чăнлă ялӗн кӗрешӳçи Раиль Камалов ҫӗнсе илчӗ. Така вара, Сабантуй парни пулнă май, ун хулпуҫҫийӗ ҫине «хӑпарса выртрӗ».
Тӗрлӗ спорт ӑмӑртӑвӗсен ҫӗнтерӳҫисем наградӑсене тивӗҫлӗ пулчӗç. Ҫавӑн пекех Наиль Исхаков, Фарит Ахметов, Радик Низамов, Фарит Мифтахов, Рим Фатхуллин, Айрат Усмановпа Андрей Батанов судьясене те парне пачӗç. 
Кӗрешӳ ӑмӑртӑвӗсен тӗп спонсорӗсем Илья Садриевпа Айрат Усманов пулчӗҫ.