Ҫӗпрел ҫыннисем «Изге Болгар Жыены» мероприятие хутшӑнчӗç

2024 ҫулхи майăн 19-мӗшӗнче Тутарстанри Спас районӗнчи Пӑлхар хулинче «Аслӑ Пӑлхар» музей-заповедникӗн территорийӗнче, 922 ҫулта Атӑл çи Пӑлхарӗ официаллӑ майпа Ислам тӗнне йышӑннӑ куна халалланӑ, «Изге Болгар Жыены» мероприяти пулса иртрӗ.

Торжествăлла мероприятире Тутарстан Республикин Раисӗ Рустам Минниханов, ТР Патшалӑх Советникӗ Минтимер Шаймиев, Пӗтӗм тӗнчери тутар конгресӗн Наци Совечӗн ертӳçи Василь Шайхразиев, общественность тата тӗн деятелӗсем хутшӑнчӗç. Уява Хусан тата Тутарстан митрополичӗ Кирилл килчӗ.
Мероприятие, Раҫҫейӗн пур кӗтесӗнчен, ҫав шутра Тутарстан районӗсенчен тата Ҫӗпрел районӗнчен те мусульмансем хутшӑнчӗç.