Ҫӗпрел – Хусан: Культура кунӗ

Хусанти «Московский» культура центрӗн фойинче хӑнасене куравсемпе тата йăла-йӗркесене палăртнă театрализациленӗ спектакль кӗтсе илчӗ.

Районти наци колоритне пӗрлештерекен куравра: Ҫӗпрел районӗнче пурӑнакан халӑхсен тумӗсем, тум эрешӗсем, музыка инструменчӗсем, сувенирӗсем, кулленхи йăлара кирлӗ пулнă япаласем тата ытти те пурччӗ. Культура традицийӗсен пуянлӑхне çутатнă алă ӗçӗн ăстисем, хӑйсен ӗҫӗсене пăхма сӗнчӗç. 

Центр умӗнчи площадкăра уява килекенсем «Тăваньел пахчи», «Исток»,  «Агротранспорт», «Çӑкӑр завочӗ» тата ытти обществӑсем туса илнӗ продукцисемпе паллашрӗç.

Кунта авалхи ӗҫ хатӗрӗсем, авалхи чӳрече рамисем, ҫемье династийӗсен профессиллӗ ӗҫӗ-хӗлӗ, пир-авӑр, вӗтӗ шӑрҫасемпе тӗрӗсем тата тӗрӗсем те вырăн илнӗччӗ.

Культура ӗҫченӗсем «Ача ҫурални», «Ачана ят пани», «Туй килни» пек йăла-йӗркесене ҫӗнетрӗç.

Библиотека, ачасен искусство шкулӗ, пенси организацийӗ, музей ӗҫченӗсем куравра, ҫавӑн пекех, район энциклопедийӗн, ялсен историне, поэт-ентешсен, таврапӗлӳҫӗсен кӗнекисене, эмел курăкӗсен кӗтесне, вӗренекенсен пултарулӑхне çутатрӗç. Паллах, наци апачӗсем уйрӑм вырӑн йышӑнса тăчӗç. Пӗтӗмӗшпе илсен, мероприятире Çӗпрелсен иртнӗ тата хальхи пурнăçӗ уҫҫӑнах палӑрчӗ.

Уявӑн кульминаци пайӗ Культура центрӗн сцени ҫинче иртрӗ. Мероприятие килнисенчен район пуҫлӑхӗ Марат Гафаров, Тутарстанри муниципаллă пӗрлӗхӗсен Совечӗн Ассоциацийӗн ертӳçи Агзам Губайдуллин, Тутарстан Республикипе Крым Республикин тава тивӗҫлӗ искусство деятелӗ Дмитрий Туманов саламларӗç.

Хӑнасен чун-чӗрисенче районти пултарулӑх  артисчӗсен юррисемпе ташшисем те  çутă йӗр хӑварчӗҫ.

Справка

Тутарстанри муниципаллă пӗрлӗхсем хушшинче «Тутарстанăн культура столици» конкурс иккӗмӗш хут иртрӗ. Конкурса Тутарстан Республикин Раисӗ Рустам Минниханов пулӑшăвӗпе ирттереҫҫӗ. Кӑҫал ăна Çемье çулталӑкӗ шайӗнче йӗркеленӗччӗ.

Икӗ уйӑх хушшинче Хусанти тӗрлӗ площадкӑсенче культура программине кăтартӗç. Конкурс пӗтӗмлетӗвӗсем тӑрӑх ҫӗнтерӳçӗсене палӑртӗҫ.