Паттӑрлӑх орденӗ

Раҫҫей Федерацийӗн Президенчӗн Указӗпе район çыннине Геннадий Ильина Паттӑрлӑх Орденӗпе наградӑларӗç. Вӑл ятарлӑ ҫар операцине хутшӑннӑ вӑхӑтра çар тивӗçне пурнăçланă чухне пуçне хучӗ.

Наградӑна районти Ӗç тăвакан комитетăн ларусен залӗнче, геройăн тӑванӗсене пачӗҫ. Мероприяти Геннадий Ильинӑн ҫывӑх ҫыннисем, çавӑн пекех, Ҫӗпрел районӗн пуҫлӑхӗ Марат Гафаров тата Пӑвапа Ҫӗпрел районӗсен ҫар комиссарӗ Радик Тухфатуллин хутшӑннипе иртрӗ.

Ертӳçӗсем герой ячӗ манăçăнмӗ, терӗҫ. Ӑна тав тунине пӗлтерчӗç. — Геннадий Ильин хӑйӗн пурнӑҫне Тӑван çӗршывшӑн пачӗ. Ҫар тивӗҫне пурнӑҫланӑ чухне вӑл хăюлăхпа паттăрлăх тӗслӗхӗ кăтартрӗ, — терӗ Марат Гафаров.

Паттӑрлӑх орденне тăванӗшӗн унăн пӗртăван тетӗшӗсем Борис, Олег, Вячеслав, Виктор тата пӗртӑванӗн хӗрӗ Инна илчӗç. 

Справка 

Геннадий Анатольевич Ильин 1976 ҫулхи майăн 6-мӗшӗнче Тутарстан Республикин Ҫӗпрел районӗнчи Кивӗ Тăваньел ялӗнче ҫуралнӑ. 1983-1991 ҫулсенче Кивӗ Тăваньел шкулӗнче вӗреннӗ. 1991-1994 ҫулсенче профессипе техника училищинче малалла пӗлӳ илет. 1994 ҫулхи декабрӗн 10-мӗшӗнчен пуҫласа 1996 ҫулхи декабрӗн 2-мӗшӗччен Челябинск хулинче ҫар службинче пулать. 

2023 ҫулхи ноябрӗн 3-мӗшӗнче, контрактпа килӗшӳллӗн, ятарлă çар операцине тухса каять.