Матак ялӗнче йӑлана кӗнӗ турнир

Регионсем хушшинчи XXI турнира фашистла Германие ҫӗнтернӗренпе 79 ҫул ҫитнине халалланӑччӗ.

Ăмӑртусем пуҫланас умӗн Ҫӗпрел муниципаллă районӗн пуҫлӑхӗн ҫумӗ Алексей Ярухин тата Чӑваш Республикин Патшалӑх Совечӗн депутачӗ, Тутарстанăн тата Чӑваш Республикин Тава тивӗҫлӗ культура деятелӗ, «ТУС» строительство компанийӗн генеральнӑй директорӗ, ТР пиçиххипе çыхăнса кӗрешес енӗпе федерацийӗн президенчӗ, Чӑваш наци конгресӗн президенчӗ Николай Угаслов Тӑван çӗршывӑн Аслӑ вӑрҫинче вилнисене асӑнса, обелиск умне чечексем хучӗҫ.

Çак турнира, кашни ҫулах, Матак ял тӑрӑхӗнче Семен Уганина халалласа ирттереҫҫӗ. Ҫакӑн пек мероприятисене ирттерме паллă пӗр тӑкаксем те кирлӗ. Ҫавна май Матак ял тӑрӑхӗн пуҫлӑхӗ Владимир Шумиловпа шкул директорӗ Марина Ермолаева тухса калаçса, Николай Угаслова спонсор пулăшăвӗ панăшăн тав турӗç.

Кӗрешӳ турнирӗ питӗ интереслӗ иртрӗ. Унта тӗрлӗ районсенчен килнӗ 100 яхӑн ҫамрӑк кӗрешӳçӗ хутшăнчӗ. Турнирăн ҫӗнтерӳҫисемпе призерӗсене Кубоксемпе, медальсемпе, грамотăсемпе тата хаклӑ парнесемпе чысларӗç. Турнирӑн тӗп парнине — велосипеда — Матак вӑтам шкулӗн вӗренекенӗ Матвей Буланов тивӗçлӗ пулчӗ.