«Манӑн ку тӗнчере хамӑн ҫул»

«Алтын» физкультурӑпа сывлӑха çирӗплетмелли комплексра сывлӑхӗсем çирӗпех мар ачасен спартакиади пулчӗ. Мероприяти «Малтисем юхăмӗ» хутшӑннипе иртрӗ.

Спартакиада пуҫланас умӗн ачасем ҫул-йӗр юхӑмӗн хӑрушсӑрлӑхӗ енӗпе вылямалли сӗтелсем ҫинче ҫул-йӗр правилисем енӗпе пазлсем пуçтарчӗç.

Ачасене район пуҫлӑхӗ Марат Гафаров саламларӗ. Вӑл çак Спартакиада ырӑ йӑлана çаврăнни тата социаллӑ пӗлтерӗшлӗ пулнине палӑртрӗ. Ҫавӑн пекех, спортпа туслашни ачасене хӑйсене кӑтартма, лайӑх эмоцисем илме май панине те палӑртса иртрӗ. 

— Паян ҫӗнтерӳҫӗсем тата çӗнтерттерекенсем пулмӗç. Паянхи мероприятире хутшӑннипе те эсир пурте ҫӗнтерекенсем, — терӗ Марат Гафаров.

Спартакиадăна 10 хут Тутарстан Республикин чемпионӗ, нумай хутчен бронза тата армрестлинг енӗпе тӗнче чемпионачӗн кӗмӗл медальне çӗнсе илнӗ Петр Мускатинов килни уйрӑмах илем кӳчӗ. Ентешӗмӗр ачасене вӑйӑра та, пурнӑҫра та ӑнӑҫу сунчӗ, яланах малалла ăнтăлма, пур чӑрмавсемпе йывӑрлӑхсене те ҫӗнтерсе пыма чӗнсе каларӗ. Ҫакӑн пек ăнтăлу пулсан кăна кăтартусем ӑнӑҫлӑ пулнине палăртрӗ.

Спартакиадӑна «Çул-йӗр юхăмӗн хӗрушсăрлăхӗн» патшалăх бюджет учрежденийӗн Пӑвари уйрӑмӗн ертсе пыракан специалисчӗ Екатерина Журавлева та хутшӑнчӗ.

Ачасем икӗ ушкӑна пайланчӗҫ, ГТО элеменчӗсем кӗнӗ «Кăмăл-лă старт» ӑмӑртӑвне пуçăнчӗç. Вӑйӗсене, тавҫӑрулӑхӗсене, хӑвӑрт-лӑхӗсене сăнаса пăхрӗç. Юмахри геройсем пек тумланнӑ тетӗшӗсемпе аппӑшӗсем вӗсене чӑрмавсене ҫӗнтерме пулӑшрӗç.

Ӑмӑртӑва хут-шӑнакансем ҫӗнтерӳшӗн кӗрешес ӗҫре ăнтăлупа хастарлӑх тӗслӗхӗсене кӑтартрӗҫ. Вӗсене хӑйсен тусӗсем —болельщиксем тата, паллах, ашшӗ-амӑшӗсем хавхалантарса, пулӑшса тăчӗç.
Сорт шкулӗпе «Малтисен юхăмӗн» вырӑнти уйрӑмӗ йӗркеленӗ программăран, Петр Мускатиновӑн мастер-класӗнчен ачасем те, ашшӗ-амӑшӗсем те кӑмӑллӑ пулчӗҫ.

Спартакиадӑна пӗтӗмлетнӗ май, район пуҫлӑхӗ Марат Гафаров ачасене грамотăсемпе парнесем пачӗ. «Ҫул-йӗр юхӑмӗн хӑрушсӑрлӑхӗ» патшалӑх бюджет учрежденийӗ, районти халӑха социаллӑ хӳтлӗх паракан организаци те ачасем валли парнесем хатӗрленӗччӗ.