Талăкӗпех ӗçлӗ пулăшу кăтартаççӗ
Лавккана Юсуповсен ҫемйи уҫрӗ. Юсуповсем бизнесра ҫӗнӗ çынсем мар. Халиччен те вӗсен «Родничок» ятлă апат-ҫимӗҫ тата йӑлара кирлӗ пулакан таварсен лавкки ӗçлет, ҫӗнӗ лавкка вара унпа юнашар вырнаҫнӑ.
La Rose лавкка 24 сехет – талăкӗпе ӗҫлӗ. Иртен пуҫласа каҫчен лавкка уҫă пулать, ҫӗрлехи вăхăтра кама та пулин васканă май чечексем е ытти тавар кирлӗ пулсан, вӗсем патне шӑнкӑравласа, кирлӗ япаласене заказ пама май пулать. Лавкка заказсемпе те ӗҫлет тата кашнинех кирлӗ пулакан тавара кӳрсе пама пултарать. Чи пахи, лавккан кунӗн-ҫӗрӗн, кирек хӑш вӑхӑтра та, заказа кӳрсе пама майӗ пур.
– Пирӗн лавккан ассортименчӗ, туянакансен сӗнӗвӗсемпе килӗшӳллӗн, пӗрмаях анлӑланса пырӗ, – теҫҫӗ Юсуповсем.
Лавккана уҫмалли уявра район пуҫлӑхӗн çумӗ Алексей Ярухин, Кивӗ Ҫӗпрел ял тӑрӑхӗн пуҫлӑхӗн çумӗ Рамиль Низамов, ял ҫыннисем тата, паллах, ӗнтӗ хуҫасем: Гульфирапа Рустам Юсуповсем тата вӗсен ачисем хутшăнчӗç.
Алексей Ярухин лавккана лайӑх кăна ӗҫлесе кайма тата кунта туянакансене яланах кирлӗ таварсем пулма сунчӗ.
– Çӗнӗ суту-илӳ точкин кирлӗлӗхӗ ял пурӑнни тата аталанни çинчен калать. Ял ҫыннисем ҫак лавккапа паян кӑна мар, ҫитес кунсенче те кӑмӑллӑ пулччӑр, – терӗ вӑл.
Нет комментариев