Хисеплӗ Çӗпрел çыннисем, районăн хӑнисем

Аслисен те, ачасен те, чи юратнӑ тата кӗтнӗ уяв – Çӗнӗ çул çывхарать. Ҫӗнӗ ҫул вара – иртнӗ ҫул ҫине пӑхса илни, пурнăçланă ӗçсене, ырă ӗçсене пурне те пӗтӗмлетни те, малашлӑха тӗллевсем лартни те, ӗмӗтленни те. Иртсе пыракан ҫулӑн пӗтӗмлетӗвӗсем ҫине пӑхсан, савӑнмалăх ăнăçусем те пур.

Хаклӑ туссем! Районăн пӗтӗм ҫитӗнӗнӗвӗсем – пӗрле тăрăшуллă вӑй хунин кӑтартӑвӗ. Пӗрлехи ӗҫе хăйӗн пайне хывакансене пурне те тав тӑватӑп. Малта пире ҫӗнӗ ӗҫсем тата ҫӗнӗ ҫитӗнӳсем кӗтеҫҫӗ.

Сире Çӗнӗ ҫул тата ҫитес çутă Раштав уявӗ ячӗпе саламлатӑп. Ҫӗнӗ ҫул кашни киле хӑтлӑх, ҫемьесене вара – тӑнӑҫлӑх, тулӑхлӑх тата телей-савăнăç кӳтӗр! Сире пурсӑра та ăс-тăн çирӗплӗхӗ, çӗкленӳллӗ кăмăл-туйăм тата сывлӑх сунатӑп. Пирӗн кунсем тăнăç, каяс ҫулсем ырă та анлӑ пулччӑр. 2022 ҫул ҫӗнӗ телей кӳтӗр. Ҫӗнӗ ҫул ячӗпе!

Марат Гафаров,  Ҫӗпрел муниципаллӑ район пуҫлӑхӗ.