Фестиваль иртрӗ

Апрелӗн 2-3-мӗшӗнче Кайпăç, Пӑва, Теччӗ, Камско-Устьински, Апастово, Тури Услон районӗсемпе Ҫӗпрел районӗнчи çамрӑк талантсем Пӑва районӗн Культура çурчӗн сцени ҫинче иртнӗ «Созвездие — Йолдызлык» фестивальте хӑйсен ӑсталӑхӗсене кӑтартрӗҫ.

Кӑҫал фестивале «Хореографи» номинацире «Яшьлек» (ертӳҫи Ольга Ефремова) тата «Тан» (ертӳçи Лилия Замалетдинова) ташӑ ансамблӗсем, тӗрлӗ çулсенчи «Вокал-соло» номинацире Амина Алиуллова, Рияз Замалетдинов, Елизавета Гаврилова, Риана Хасанова, Самад Айсин, Егор Молгачев, Аделина Хасанова, Раиля Ахмедова, Лилия Халитова, вокзал-ансамбльсем номинацире «Яз нуры» тата «Родничок» ансамбльсем, «Конферанс» («Илемлӗ сăмах ăсти») номинацире Дина Камалова, Реналь Камалов, Эллария Хасанова, Богдан Валиуллин, Ильяс Исхаков, Валерия Кудрявцева, Инзиля Маллямова, Амирхан Сагдиев, Раида Волкова, Эльвина Бельдичкова, Ника Кузнецова хутшăнчӗç. Зона турӗнче ӑнӑҫу тунисем Хусан хулинче иртекен финаль пайне путевка илчӗç.

Нимӗнле дипломант та, лауреат ячӗсем илеймесен те, фестивале хутшӑнни кăна та хăй пысӑк чыс. «Созвездие — Йолдызлык» фестиваль — Раҫҫейри чи ӑнӑҫлӑ проектсенчен пӗри. Вӑл ҫамрӑк талантсене чӑннипех ҫунатлантарать, пултарулӑх тӗнчинче малалла та юлас, пултарулӑха аталантарас, творчестăлла çитӗнӳсем çӗнсе илес енӗпе стимул пулса тăрать. Чи пултаруллисем ҫӗршывӑн пысӑк сценисем çине çул илеççӗ.

Справка

Пӗтӗм Тутарстана çавăрса илнӗ, пин-пин талантсем çитӗнтернӗ, республикӑн мӑнаҫлӑхӗ пулса тӑнӑ «Созвездие — Йолдызлык» кӑҫал 24-мӗш хут иртрӗ. Фестивале Тутарстан Республикин Раисӗн Рустам Миннихановӑн тата ЮНЕСКО ӗҫӗсем енӗпе Раҫҫей Федерацийӗн комиссийӗн патроначӗ хӳттипе ирттереҫҫӗ.