Ентешӗмӗр — Раҫҫей Геройӗ!

Çар çыннисем, пурнăçӗсене шеллемесӗр, ҫутӑ пуласлӑхшӑн кӗрешеҫҫӗ. 

Ҫавӑн пек ентешсенчен пӗри вăл — полковник Андрей Колпаков. Мотострелковăй бригадăн 85-мӗш уйрӑм батальонне ертсе пырса, Шипиловка, Белогоровка, Новодружевск, Кременная тата Золотаревка ялӗсене неонацистсенчен хӑтарать. Тӑван çӗршывӑн паттӑр ывӑлӗ оборона рубежне татса кӗрессинчен сыхласа, хӑйӗн пурнӑҫне хӗрхенмесӗр, юлташӗсене вилӗмрен çăлса хăварать.

Андрей Колпаков — ентешӗмӗр, воин-интернационалист, Раççей Хӗҫ-пӑшаллӑ Вӑйӗсен полковникӗн Валерий Колпаковăн ывӑлӗ. Валерий Федорович Чӑваш Çӗпрелӗнче ҫуралса ӳснӗ. Афганистанра, Ҫурҫӗр Кавказра, ҫар юхăмӗсенче хутшӑнать.

Мускаври Ҫар академийӗнче вӗреннӗ ҫулсенче те малта пыракан спортсмен пулса шутланнӑ ентешӗмӗр нумай ҫулсем хушши районта ҫамрӑксен хушшинче сывӑ пурнӑҫ йӗркине пропагандӑлать. Ҫулсеренех йӗлтӗр ӑмӑртăвӗсем йӗркелет, нумай тӗрлӗ патриотла мероприятисенче хутшӑнать.

Ывӑлӗ Андрей ашшӗн çулӗпе кайса, Челябинскри Аслӑ танк училищинчен вӗренсе тухать. Танк взвочӗн командирӗ пулса службăра тăрать. 2017 ҫулта запаса тухать.

Ҫӗршывра уйрӑм мобилизаци пуҫланнӑ хыҫҫӑн, Андрей Колпаков ҫар операцийӗ пыракан территорине тухса каять. Нумай паттӑрла ӗҫсем тăвать, çар заданийӗсене чыслӑн пурнӑҫлать. Кайранхи заданире, юлташӗсен пурнӑҫне сыхласа, пуçне хурать.

Патшалӑх наградине памалли мероприяти Самара хулинче иртнӗ. Раҫҫей Президенчӗн Атӑл ҫи федерацин округӗн представителӗ Игорь Комаров Раççей Геройӗн «Ылтӑн Ҫӑлтӑр» медальне унăн мăшăрне Ольга Колпакована панӑ (ӳкерчӗкре). 

Ентешӗмӗрӗн ячӗ, ҫутӑ сăнарӗ ӗмӗрлӗхех халăх асӗнче упранӗ!