Çӗнӗ ҫул мероприятийӗсем чирлекен çынсен шутне ӳстерме сăлтав ан пултăрччӗ

Ӗçлӗ тунтикун канашлăвӗнче район пуҫлӑхӗ Марат Гафаров çапла каларӗ.

– Covid-19 коронавирус чирӗпе ҫыхӑннӑ лару-тӑру халӗ те кӑткӑс пулса юлать. Район халăхӗ мӗнпур санитари нормисене пурнăçласан, чирлисен шучӗ ҫӗнӗ ҫул уявӗсенче ӳсмӗ, тесе ӗмӗтленетпӗр. Ҫав вӑхӑтрах  халӑха кăмăллăн мероприятисенче канма та чикӗлев хума пултараймастпӑр. Ҫӗнӗ ҫул çакăн пек уяв вӑл – ăна аслисем те, ачасем те чăтăмсăррăн кӗтеççӗ, – терӗ район пуҫлӑхӗ.

Анчах чикӗленисем пурпӗрех те пулаҫҫӗ. Кафере, столовӑйсенче, Кивӗ Ҫӗпрел ялӗнчи Культура çуртӗнче иртекен мероприятисенче социаллӑ дистанцие тивӗçтернине тата зал 50 процента кăна тулнине ҫирӗп контроле илӗҫ.

Ялсенче вара уяв мероприятийӗсем уҫӑ сывлăшра, Тӗп Ёлка çумӗнче иртӗç.