Çӗнӗ ертӳçӗ палăртрӗç

Ҫӗпрел районӗнчи «Федерацин пушарпа ҫӑлав службин 8-мӗш пушарпа ҫӑлав отрячӗн» федерацин патшалăхăн хысна учрежденийӗн 114-мӗш пушарпа çăлав отрячӗн пуçлăхӗ пулма шалти службӑн аслӑ лейтенантне Ильвир Ильдусович Салахова палăртрӗç (ӳкерчӗкре сылтăмран пӗрремӗшӗ). Унччен вӑл ҫак организаци начальникӗн çумӗ пулса ӗçлерӗ.

Ҫӗнӗ ертӳçе Раҫҫей чрезвычайлă лару-тăру ӗçӗсен министерствин Тутарстан Республикинчи Тӗп управленийӗн пушара хирӗç патшалăх службин ҫӑлав службин 8-мӗш пушарпа çăлав отрячӗн пуçлăхӗ Зуфар Халиуллин (сăн ӳкерчӗкре сулахайран пӗрремӗшӗ) сӗнет. Çӗнӗ ертӳçӗ палăртмалли мероприятире район пуҫлӑхӗ Марат Гафаров та хутшӑнчӗ.

Раҫҫей чрезвычайлă лару-тăру ӗçӗсен министерствин Тутарстан Республикинчи Тӗп управленийӗн пушара хирӗç патшалăх службин ҫӑлав службин 8-мӗш пушарпа çăлав отрячӗн пуçлăхӗ Зуфар Халиуллин тата район пуҫлӑхӗ Марат Гафаров районти пушарпа ҫӑлав чаçӗн ӗҫне пысӑк хак пачӗҫ тата коллектива çӗнӗ ертӳçӗпе килӗштерсе ӗçлеме сунчӗç.

Справка

Ильвир Ильдусович Салахов, тутар, Ҫӗпрел районӗнче (1998 ҫулта) ҫуралнӑ. 2020 ҫулта Раҫҫей Федерацийӗн Гражданла оборона, чреçвычайлă лару-тӑру тата ҫутҫанталӑк инкекӗсен сиенне пӗтерес енӗпе Патшалăх пушарпа ҫӑлав академийӗнчен вӗренсе тухнӑ. Çав çултах Тутарстан Республикинчи ФПС вӗренӳ центрӗнче ӗҫ сыхлавӗ енӗпе яваплӑ специалистсен квалификацине ӳстермелли курсӗсене иртет.

2020 ҫулхи июль уйӑхӗнчен пуҫласа Çӗпрел районӗнчи «Тутарстан Республикинчи пушарпа ҫӑлав службин 8-мӗш пушарпа ҫӑлав отрячӗ» федерацин патшалăхăн хысна учрежденийӗн 114-мӗш пушарпа çăлав отрячӗн начальникӗн çумӗ пулса ӗçлеме пуçлать.